InicioPolíticaO xulgado anula a entrada da Deputación de Lugo no accionariado de...

O xulgado anula a entrada da Deputación de Lugo no accionariado de Tragsa tras un recurso do PPdeG

O goberno provincial sinala que actúa en función dos "informes técnicos" e lembra que a sentenza "non é firme".

PUBLICADA O

- Advertisement -

O Xulgado do contencioso administrativo número uno de Lugo anulou a entrada da Deputación de Lugo no accionariado de Tragsa e a contratación a esta empresa do servizo de mantemento das zonas verdes que antes facía Suplusa.

En concreto, nunha sentenza con data do 31 de marzo e que deu a coñecer este venres o PP de Lugo, o xulgado estima un recurso presentado polo Grupo Provincial do PP e anula un decreto da Presidencia da Deputación con data do 13 de decembro de 2019, polo que o goberno decidiu entrar no accionariado de Tragsa ao comprar unha acción.

Así mesmo, anula o acordo da xunta de goberno do 27 de decembro de 2019 polo que, con base no citado decreto da Presidencia, decide encargar a Tragsa o mantemento das zonas verdes, un servizo que antes facía Suplusa. Ademais, o fallo xudicial sinala que a Deputación terá que pagar as costas procesais.

A decisión xudicial foi dada a coñecer este venres pola presidenta provincial do PP, Elena Candia, e os deputados populares, nun acto no que Javier Castiñeira sinalou que “unha vez máis” o PP é capaz de “demostrar a falta de espírito democrático e a prepotencia”, “non só do presidente provincial, José Tomé, senón do bipartito provincial, que tomou decisións por encima das súas competencias e vulnerou os dereitos dos deputados e da corporación provincial.

O PP provincial sostén que agora, dous anos despois, “o dano está feito” e asegura non entender por que o equipo de goberno “non quixo atender antes” as súas suxestións e pregúntase polos motivos desas contratacións “exprés” de Tragsa, que despois levaron numerosos encargos de servizos sen o procedemento de contratación legal e que agora quedan nulos de pleno dereito.

Os populares anuncian que estudarán todas as accións posibles, tendo en conta que advertiron en tempo e forma destas circunstancias. Ademais, pon de manifesto que o goberno provincial “fixo discriminación entre os traballadores”.

“A SENTENZA NON É FIRME”

Pola súa banda, a portavoz socialista na Deputación, Pilar García Porto, que explicou que o goberno provincial aínda non ten coñecemento formal deste fallo xudicial, sinalou que se trata dunha sentenza “en primeira instancia” que aínda “non é firme” e contra a que “cabe recurso de apelación” ante o Tribunal Superior de Xustiza de Galicia (TSXG).

Tras iso, incidiu en que a Deputación de Lugo sempre está “atenta” ao que sinalan os servizos xurídicos e que, en función dos informes técnicos, “actúase”. “A nivel político daríanos exactamente igual levar este asunto a unha xunta de goberno e aprobalo como un asunto máis dos que damos conta cada venres ou levalo a un pleno, porque en ambos os casos temos a maioría e sairía adiante”, incidiu.

Ademais, sostivo que, no seu momento, actuouse con base nas recomendacións dos servizos xurídicos e que así “o seguirá facendo”. “Por tanto, se se ten que ir a pleno, irase a pleno, sempre ao amparo dos informes xurídicos pertinentes”, sinalou.

ÚLTIMAS

Obradoiros de coiro, cerámica e teares para celebrar os ‘Días Europeos da Artesanía’

A Vicepresidencia da Deputación de Lugo, a través da área de Artesanía, súmase á...

Coñecemos á ‘Galiartesá’, Pepa Lombao, oleira de Bonxe

O Galicia Confidencial presenta a serie 'Galiartesáns e galiartesas' coa que procura visibilizar diferentes oficios artesáns...

O Concello de Lugo defende que os recursos empregados no Ceao foron “suficientes”

A concelleira de Cohesión Social de Lugo, Ana González Abelleira, saíu ao paso das...

Bombeiros dá por extinguido o incendio no polígono de O Ceao e a Policía Científica inicia a súa investigación

Bombeiros de Lugo deu por extinguido este mércores o incendio que calcinou na xornada...