InicioPolíticaA Deputación de Lugo pide á Xunta máis implicación no desenvolvemento da...

A Deputación de Lugo pide á Xunta máis implicación no desenvolvemento da telefonía móbil no rural

José Tomé di que a Xunta non pode pretender que os concellos máis pequenos asuman eses gastos xa que non teñen competencias nin medios.

PUBLICADA O

- Advertisement -

A Deputación de Lugo aprobou unha moción do PSOE, que apoiou o seu socio de goberno do BNG e contou coa abstención do PP, pola que se empraza á Xunta que se implique no “desenvolvemento da telefonía móbil” nos concellos máis pequenos.

“Non podemos falar de desenvolvemento do rural e de que a xente quede a vivir no rural sen ter servizos”, esgrimiu o presidente da Deputación de Lugo, o socialista José Tomé. “O que queremos é que a Xunta asuma as súas competencias, que se implique realmente na defensa do rural e o que non pode pretender é trasladar aos concellos a carga de ter que soportar eses gastos, cando non teñen competencias e non teñen medios nos concellos máis pequenos”, manifestou.

Tomé apremou ao Goberno galego a que “se implique e afronte ese custo, e todos eses retos que ten co medio rural cando non se cansaron de repetir que esta ía ser a lexislatura do rural e nunca foi”. Xa a vicepresidenta, a nacionalista Maite Ferreiro, lembrou que “o BNG leva moito tempo xa denunciando as políticas da Xunta en canto ao desmantelamento de servizos públicos no medio rural“.

“Como goberno levamos unha moción para que a Xunta estude á comunidade educativa de Chantada, do IES Val de Asma, pola previsión que ten a Xunta de agrupar ao estudiantado da ESO e do bacharelato nun instituto, coa consecuente denigración dos servizos públicos”, sinalou.

Os populares finalmente abstivéronse, aínda que apuntou o portavoz provincial do PP, Javier Castiñeira, que “se van aplicar fondos Next Generation para iso”, o desenvolvemento da telefonía móbil “tanto pola autonomía como desde o Estado”.

“Xa hai concellos que se están conectando por fibra e evidentemente todo o que é ir a mellor benvido sexa. O que non entendemos é esa critica cara á Xunta de Galicia”, sinalou.

ÚLTIMAS

Obradoiros de coiro, cerámica e teares para celebrar os ‘Días Europeos da Artesanía’

A Vicepresidencia da Deputación de Lugo, a través da área de Artesanía, súmase á...

Coñecemos á ‘Galiartesá’, Pepa Lombao, oleira de Bonxe

O Galicia Confidencial presenta a serie 'Galiartesáns e galiartesas' coa que procura visibilizar diferentes oficios artesáns...

O Concello de Lugo defende que os recursos empregados no Ceao foron “suficientes”

A concelleira de Cohesión Social de Lugo, Ana González Abelleira, saíu ao paso das...

Bombeiros dá por extinguido o incendio no polígono de O Ceao e a Policía Científica inicia a súa investigación

Bombeiros de Lugo deu por extinguido este mércores o incendio que calcinou na xornada...