InicioComarca de MeiraRibeira de PiquínO alcalde de Ribeira de Piquín, confinado por covid-19, esixe un médico...

O alcalde de Ribeira de Piquín, confinado por covid-19, esixe un médico para o PAC da localidade

Asegura que ao saír co confinamento entregará "centos de sinaturas" ao Sergas para restablecer o servizo sanitario.

PUBLICADA O

- Advertisement -

O alcalde de Ribeira de Piquín, Roberto Fernández, reclamou un médico para a PAC da localidade e denunciou os vaivéns na asistencia facultativa do seu municipio “desde fai seis meses”. O rexedor, que se atopa confinado tras dar positivo por covid-19 o luns, anunciou que cando saiga do confinamento entregará centos de firmas á Consellería de Sanidade para esixir que se repoña ao médico na PAC da localidade.

“Non podemos permitir que o centro estea sen facultativo. Non sabemos cando temos médico, non sabemos cando imos si podemos ser atendidos ou non”, protestou o rexedor socialista. Roberto Fernández, que criticou que a área hospitalaria de Lugo non dese resposta a este problema que el mesmo trasladou persoalmente, esixiu ao Sergas que “se cubra a atención médica” e criticou que, por ser un municipio pequeno, non poidan ter “os mesmos servizos”.

Agora, conforme sinalou, os veciños de Ribeira de Piquín teñen que desprazarse ao centro de Meira “que está a doce quilómetros do Chao do Posadouro”. “Pero hai veciños de parroquias que teñen que facer ata corenta quilómetros” ata este municipio limítrofe.

En canto ao seu positivo por Covid, Roberto Fernández, describiu que ten uns síntomas “parecidos aos dunha gripe”, polo que se atopa confinado no seu domicilio “apartado” el só, dado que a súa familia non se contaxiou. Fernández lembrou “a importancia de ser prudente, da necesidade de usar máscara”. “Eu vacineime e aínda que os síntomas son menores que sen estar vacinado, pero igualmente existe o risco de contaxio”, advertiu. “Se non estivese vacinado igual os síntomas serían maiores”, destacou.

ÚLTIMAS

Obradoiros de coiro, cerámica e teares para celebrar os ‘Días Europeos da Artesanía’

A Vicepresidencia da Deputación de Lugo, a través da área de Artesanía, súmase á...

Coñecemos á ‘Galiartesá’, Pepa Lombao, oleira de Bonxe

O Galicia Confidencial presenta a serie 'Galiartesáns e galiartesas' coa que procura visibilizar diferentes oficios artesáns...

O Concello de Lugo defende que os recursos empregados no Ceao foron “suficientes”

A concelleira de Cohesión Social de Lugo, Ana González Abelleira, saíu ao paso das...

Bombeiros dá por extinguido o incendio no polígono de O Ceao e a Policía Científica inicia a súa investigación

Bombeiros de Lugo deu por extinguido este mércores o incendio que calcinou na xornada...