InicioPolíticaAna Pontón: "É vital situar Lugo no mapa do tren. Hoxe está...

Ana Pontón: “É vital situar Lugo no mapa do tren. Hoxe está perdendo oportunidades”

"Cremos que non só ten responsabilidades o Estado senón que a Xunta ten que facer un impulso a esas demandas", apostilou a líder nacionalista.

PUBLICADA O

- Advertisement -

O BNG envorcarase en reivindicar un tren en “condicións e digno” para Lugo e avanzou diferentes medidas de presión ante as distintas administracións, ademais de destacar que tamén mobilizará o tecido social da provincia.

Nun acto na Praza de Abastos da cidade de Lugo, a portavoz nacional, Ana Pontón, defendeu a necesidade de que “o ferrocarril non só sexa un elemento vertebrador do territorio senón tamén de creación de oportunidades desde o punto de vista económico”.

“Lugo leva discriminada décadas e o que vemos é que co ferrocarril, que é a conexión de futuro, a cidade de Lugo está claramente desconectada, pérdense servizos, son servizos con poucas oportunidades de vertebración e, ademais, temos liñas como pode ser a da Coruña- Lugo que están decimónonicas e cuns tempos que non son para nada competitivos“, lamentou.

Pontón considera vital “situar Lugo no mapa do tren” e argumentou que “iso require unha acción de país e que sexa un elemento central”. “Hoxe Lugo perde oportunidades económicas e de desenvolvemento polo seu illamento en materia de infraestruturas”, sinalou.

E advertiu que o BNG “fará un tema de país a conexión ferroviaria de Lugo, en varias direccións, no sentido que hai que modernizar a liña con Coruña e tamén suplir unha anomalía e é que Lugo é a única cidade sen conexión directa coa capital de Galicia que é Santiago”.

“HAI QUE DICIR XA ABONDA”

Ana Pontón indicou que “se comezou unha campaña en defensa do ferrocarril en Lugo, que é unha campaña que ten que significar que todas as administracións movan ficha á hora de defender este ferrocarril”. “Cremos que non só ten responsabilidades o Estado senón que a Xunta ten que facer un impulso a esas demandas”, apostilou.

Dito isto, proclamou que o BNG non está disposto a “permitir que Lugo siga discriminado” porque “iso significa perder futuro”. “Hai que dicir xa abonda, Lugo necesita poñerse no mapa do tren e desde o BNG imos lanzar unha campaña en todos os ámbitos, no social e institucional para conseguir esa modernización do ferrocarril”, proclamou.

MERCADO LOCAL

Previamente, o portavoz nacionalista no Concello de Lugo, Rubén Arroxo, xustificaba esta visita á Praza de Abastos “dentro do modelo de aposta polo mercado local, polo produto de proximidade” que fan os nacionalistas. “É moi importante apostar polo mercado local, que é o que crea postos de traballo e o produto de proximidade, que son produtos de calidade e tamén crea postos de traballo aquí”, resolveu

ÚLTIMAS

Obradoiros de coiro, cerámica e teares para celebrar os ‘Días Europeos da Artesanía’

A Vicepresidencia da Deputación de Lugo, a través da área de Artesanía, súmase á...

Coñecemos á ‘Galiartesá’, Pepa Lombao, oleira de Bonxe

O Galicia Confidencial presenta a serie 'Galiartesáns e galiartesas' coa que procura visibilizar diferentes oficios artesáns...

O Concello de Lugo defende que os recursos empregados no Ceao foron “suficientes”

A concelleira de Cohesión Social de Lugo, Ana González Abelleira, saíu ao paso das...

Bombeiros dá por extinguido o incendio no polígono de O Ceao e a Policía Científica inicia a súa investigación

Bombeiros de Lugo deu por extinguido este mércores o incendio que calcinou na xornada...