O presidente da Deputación de Lugo, José Tomé, destacou a lista “consensuada” que lidera e que presenta o PSOE provincial de Lugo para o congreso nacional que se celebrará en Valencia do 15 ao 17 de outubro.
Un proxecto de doce, “seis homes e seis mulleres”, onde se incorpora entre outros á alcaldesa da cidade, Lara Méndez, como número dous, ao secretario de organización do PSdeG e presidente da Confederación Hidrográfica Miño-Sil, José Antonio Quiroga, e á secretaria provincial, Patricia Otero, entre outros.
Tomé explicou que el mesmo confeccionou dita lista “para ir a este congreso”, e que foron os seus propios compañeiros os que lle pediron que a “encabezase”. “Recolle o conxunto de compañeiros que representan o territorio, o sete comarcas en que ten dividida a provincia o PSOE e tamén aquelas persoas con representación institucional como a alcaldesa de Lugo, o presidente da confederación ou a secretaria provincial, máis tres suplentes”.
Tomé destacou que non se lle presentou “ningún problema” na confección da candidatura e que tampouco tivo “ningunha queixa de ningún compañeiro”, para concluír que acudirán a esta cita congresual “co ánimo de ser útiles” e co obxectivo de tratar de que “a provincia de Lugo salga fortalecida orgánicamente”.
