InicioPolíticaO PP de Lugo reforza o apoio aos seus grupos municipais dos...

O PP de Lugo reforza o apoio aos seus grupos municipais dos municipios máis pequenos

Elena Candia di que o Partido Popular traballa na provincia centrado na vocación de servizo aos veciños.

PUBLICADA O

- Advertisement -

O PP da provincia de Lugo reforzará o apoio e asesoramento aos grupos municipais daqueles concellos pequenos nos que conta con menos representación. Así se comprometeu Elena Candia durante unha reunión mantida en Meira (Lugo) con edís dos municipios de menos de 1.500 habitantes nos que o PP se atopa na oposición.

Os grupos municipais son os nosos representantes máis próximos e, por tanto, os que mellor coñecen a realidade dos veciños e veciñas nos distintos municipios da provincia”, sinalou Candia. Neste sentido, recoñeceu o traballo dos portavoces e edís que compaxinan a súa actividade laboral e persoal coa de facer oposición nos pequenos municipios rurais.

A popular asegurou que “os grupos municipais con menos representación teñen o apoio do partido para poder desempeñar o seu labor de oposición, a de control e fiscalización ao goberno” e comprometeuse a reforzar o seu asesoramento e apoio para poder comunicar o seu traballo, facer chegar aos seus veciños a súa desconformidade con asuntos de interese municipal e, por suposto, as súas iniciativas en beneficio de cada municipio”.

Nesta liña, lembrou que o Partido Popular traballa na provincia centrado na vocación de servizo aos veciños, para ser útil e defender os seus dereitos e intereses nas distintas institucións procurando o seu benestar e o seu progreso, tanto económico como social.

Candia defendeu que o proxecto do PP está centrado na provincia, nos veciños e no territorio, un territorio de marcado carácter rural para o que defenden a igualdade de dereitos e a igualdade de servizos. Con estes obxectivos, a candidata a revalidar o cargo na presidencia do PP da provincia tamén puxo en valor a vontade de diálogo para chegar a acordos tanto nas corporacións locais como na provincial que redunden na mellora da calidade de vida dos lucenses.

A actual presidenta e candidata a revalidar o cargo no 18 Congreso previsto para o domingo 19 de setembro, iniciou os actos de campaña a pasada semana recibindo ao tres afiliados máis veteranos e ao tres de máis recente afiliación en sinal de recoñecemento polo apoio e a confianza de todos os militantes.

ÚLTIMAS

Obradoiros de coiro, cerámica e teares para celebrar os ‘Días Europeos da Artesanía’

A Vicepresidencia da Deputación de Lugo, a través da área de Artesanía, súmase á...

Coñecemos á ‘Galiartesá’, Pepa Lombao, oleira de Bonxe

O Galicia Confidencial presenta a serie 'Galiartesáns e galiartesas' coa que procura visibilizar diferentes oficios artesáns...

O Concello de Lugo defende que os recursos empregados no Ceao foron “suficientes”

A concelleira de Cohesión Social de Lugo, Ana González Abelleira, saíu ao paso das...

Bombeiros dá por extinguido o incendio no polígono de O Ceao e a Policía Científica inicia a súa investigación

Bombeiros de Lugo deu por extinguido este mércores o incendio que calcinou na xornada...