InicioPolíticaO PSdeG considera "lamentables" as críticas do PP sobre o ferrocarril en...

O PSdeG considera “lamentables” as críticas do PP sobre o ferrocarril en Lugo

A secretaria xeral na provincia, Patricia Otero, afea as declaracións de Elena Candia, da que di que "antepón os intereses do partido" aos dos lucenses.

PUBLICADA O

- Advertisement -

EFE | A secretaria provincial do PSdeG en Lugo e deputada autonómica, Patricia Otero, cualificou hoxe como “un espectáculo lamentable” as críticas do Partido Popular en relación coa presentación que fixo das obras para realizar no corredor ferroviario Lugo-Monforte-Ourense a presidenta de Adif, Isabel Pardo de Vera, por non nomear as variantes de Rubián e Os Peares.

“Tras anos de abandono precisamente do Goberno de Rajoy e do PP, os Orzamentos Xerais do Estado inclúen actuacións no ferrocarril que supoñerán un salto sen precedentes, moitas delas xa contratadas. No canto de alegrarse por iso, o PP de Elena Candia dedícase agora a tentar desprestixiar esas obras”, dixo Otero, que mesmo afeou os “ataques persoais aos responsables do Goberno do Estado, que están a mostrar un verdadeiro compromiso coa provincia de Lugo”.

“QUE A XUNTA CUMPRA”

Para Patricia Otero eses “ataques de ira da responsable do PP” en Lugo non son unha sorpresa, “porque xa demostrou que antepón os intereses” do seu partido “aos da provincia”. “Foi incapaz de ver que a mellora que se vai a producir na liña Lugo-Ourense será en beneficio de todos os lucenses”, engadiu, e “deixouse levar por unha crítica desaforada sen fundamento algún”.

“Para a súa desesperación, dígolle que chegou a modernización do tren, e tamén que chegará en breve a estación intermodal de Lugo. Por iso, agora debería preocuparse de que a Xunta cumpra coa parte que lle corresponde, que bastante atraso leva xa”, insistiu.

Así mesmo, lamentou que o delegado da Xunta de Galicia, Javier Arias, tamén se sumase a esta “campaña de insultos e falsidades” sobre os investimentos do Estado na provincia de Lugo, porque “preferiu poñerse a camiseta do PP” no canto da “do Goberno da Xunta”. Ao seu xuízo, separouse así do “clima de acordo e consensos que presidiu a reunión entre o ministro Ábalos e Feijóo hai apenas uns días”.

ÚLTIMAS

Obradoiros de coiro, cerámica e teares para celebrar os ‘Días Europeos da Artesanía’

A Vicepresidencia da Deputación de Lugo, a través da área de Artesanía, súmase á...

Coñecemos á ‘Galiartesá’, Pepa Lombao, oleira de Bonxe

O Galicia Confidencial presenta a serie 'Galiartesáns e galiartesas' coa que procura visibilizar diferentes oficios artesáns...

O Concello de Lugo defende que os recursos empregados no Ceao foron “suficientes”

A concelleira de Cohesión Social de Lugo, Ana González Abelleira, saíu ao paso das...

Bombeiros dá por extinguido o incendio no polígono de O Ceao e a Policía Científica inicia a súa investigación

Bombeiros de Lugo deu por extinguido este mércores o incendio que calcinou na xornada...