O PP pedirá explicacións polo peche da Sala 091 de Lugo

Barreiro ve a Rajoy como "o mellor presidente" de España, unha persoa "intachable no político e o persoal".

José Manuel Barreiro | Óscar Bernárdez

O portavoz adxunto do PP no Senado e senador por Lugo, José Manuel Barreiro, eloxiou o legado do ex presidente do Goberno Mariano Rajoy, do que considera que “foi o mellor presidente que España tivo en democracia”.

Así o manifestou ante o xuízo pola caixa B do PP e despois de que compañeiros do partido renuncien a esta “herdanza” política. “Mariano Rajoy foi o mellor presidente que España tivo na historia da democracia. Creo que os feitos o demostran, aí está a situación na que accedeu á presidencia co país crebado totalmente e a situación na que deixou a este país”, resolveu.

Barreiro considera a Rajoy como “unha persoa dunha moral e unha conduta intachable e un exemplo é que é o único ex presidente que saíu do Goberno por unha moción de censura, apoiada en feitos que agora se demostran falsos, e foise ao seu traballo e non foi a nada raro porque ten onde ir (como rexistrador da propiedade)”.

É unha persoa intachable desde o punto de vista político, desde o punto de vista persoal e é unha persoa intachable desde o punto de vista moral. É máis eu creo que é un exemplo e desde logo que para min si que o é”, abundou Barreiro.

SERVIZOS DE LUGO

O senador lucense realizou estas manifestacións despois de anunciar que no Senado pedirán explicacións aos responsables policiais polo peche da sala do 091 en Lugo e o traslado do servizo á Coruña.

É intolerable que a nosa cidade perda un servizo fundamental, un elemento crave para a seguridade. Non podemos admitir iso, e do mesmo xeito que os compañeiros do Congreso pediron a comparecencia dos responsables de interior nós faremos o mesmo no Senado e esixiremos que Lugo manteña un servizo, que insisto é clave para a seguridade e a tranquilidade dos nosos veciños”, subliñou.

“Isto é un exemplo máis da falta de consideración que este Goberno (o central) ten con Galicia en xeral e con Lugo, en particular, e que se viu tamén reflectido nos orzamentos”, criticou.

DEIXAR UN COMENTARIO

Please enter your comment!
Please enter your name here