InicioPolíticaJosé Tomé: "A Xunta apagou a información da evolución da pandemia nos...

José Tomé: “A Xunta apagou a información da evolución da pandemia nos concellos”

Lamenta que a transparencia "se bota de menos", sobre todo "cando desde a Xunta de Galicia está a reclamarse todo tipo de información e transparencia ao Goberno do Estado".

PUBLICADA O

- Advertisement -

O presidente da Deputación de Lugo, o socialista José Tomé, volveu a acusar este venres á Xunta de ter “apagada” a información da evolución da pandemia aos concellos, polo que reclamou que a “transmita”.

“Transmitir esa información aos concellos, a todos, non lles custa nada, tan só un correo electrónico aos concellos informando da súa situación”, pediu, na rolda de prensa posterior á reunión da xunta de goberno provincial.

Estas declaracións do presidente da Deputación de Lugo producíronse pouco antes da comparecencia do conselleiro de Sanidade, Julio García Comesaña, para informar das novas decisións adoptadas polo comité clínico para atallar a pandemia.

Sobre este comité, José Tomé precisou que é “un órgano técnico de asesoramento, non é un órgano que decida nada“. “Este órgano vai asesorar á Consellería de Sanidade para que despois a Consellería tome a decisión que corresponda”, subliñou. Seguidamente, preguntado sobre se espera que se suavicen restricións en municipios como Lugo ou Vilalba –tan só a capital provincial relaxará as medidas a partir deste sábado-, dixo que non ía prexulgar as decisións que se adoptasen.

En calquera caso, insistiu en afear que a fluidez de información de Sanidade cara aos concellos “non brilla”. “É máis ben ao revés, está apagada”, reiterou. Neste mesmo sentido, o presidente da Deputación de Lugo lamentou que a transparencia “se bota de menos”, sobre todo “cando desde a Xunta de Galicia está a reclamarse todo tipo de información e transparencia ao Goberno do Estado”. “O que me parece ben, pero se a pides tes que predicar co exemplo e darlla tamén aos outros”, concluíu.

ÚLTIMAS

Nova oficina do SEPE en Lugo, pola que pasarán 27.000 veciños ao ano

A antiga Escola de Enfermaría de Lugo acolle a nova oficina do SEPE na...

Conmemoran a batalla do Porto de Bois e reivindican “Altri non”

Coincidindo coa xornada de conmemoración da batalla de Porto de Bois, xuntouse un grupo...

Lugo rexistra un terremoto de magnitude 3.6 que se fixo notar

Un terremoto de magnitude 3,7 na escala de Richter con epicentro en Sarria foi...

Un policía local de Lugo fóra de servizo practica un RCP e sálvalle a vida

Un policía local de Lugo que se atopaba fóra de servizo practicou unha manobra de...