InicioLugo e contornaO presidente da Deputación acusa de "desorganización" á Xunta pola reapertura dos...

O presidente da Deputación acusa de “desorganización” á Xunta pola reapertura dos colexios

José Tomei trasladará ao novo delegado da Xunta a "preocupación" de seis pais de alumnos pola falta de transporte a Lugo

PUBLICADA O

- Advertisement -

O presidente da Deputación de Lugo, José Tomé, acusou este venres á Xunta de “desorganización” na reapertura do curso escolar, tras referirse ao conflito que manteñen os pais de seis alumnos de Portomarín por non dispor de transporte de tarde para acudir ao IES A Nosa Señora dos Ollos Grandes, na capital provincial.

“Este problema creouno a Xunta de Galicia pola desorganización que ten na posta en marcha do curso. Primeiro tivo que atrasar o inicio do curso e agora estalles modificando as condicións. Se a unha semana antes de empezar o curso modifican os horarios, cambian toda a organización que tiñan esas familias“, obxectou en rolda de prensa.

Ademais, Tomé lembrou que é o Goberno galego o que “ten competencias” sobre a educación e sobre o transporte, a través das respectivas consellerías. O socialista incidiu en que “o que reclaman os pais non é ningunha esmola“, senón que as rutas dos buses “se adecuen, sirvan para que estes alumnos (…) poidan ir a clase”.

Neste sentido, lembrou que este problema “non só afecta a Portomarín, senón que afecta a concellos da comarca de Lugo”, como O Corgo e Castroverde.

Precisamente, o presidente da Deputación reuniuse este venres cos pais destes alumnos, quen xa lle adiantaron que se non se lles ofrece unha solución, non mandarán aos seus fillos ao IES.

Seguidamente, Tomé dixo que se comprometeu con eles a “dúas cousas”. Por unha banda, chamará ao novo delegado da Xunta en Lugo, Javier Arias Fouz, “para interesarse como teñen este tema e trasladarlle a preocupación dos pais” e da Deputación.

Se non fose así, no próximo pleno levaremos unha iniciativa de goberno para reclamar, como acordo de pleno da Deputación á Xunta de Galicia, ás dúas consellerías implicadas, que deixen de dar bandazos e dea unha solución”, anticipou.

AO ALCALDE DE PORTOMARÍN

Polo demais, e ante critícalas do alcalde de Portomarín, o popular Juan Serrano, que propón á deputación que asuma xunto co concello os gastos do transporte dos nenos, o presidente provincial ofreceuse a “regalarlle” un “exemplar do Estatuto de Autonomía para que vexa quen ten as competencias”.

“O que non pode ese señor (Juan Serrano) é chantaxear, porque iso é unha chantaxe; o de eu pago a metade se ti pagas a outra metade. Iso é condicionar algo que non é posible. Se ten interese en axudar aos pais que lles diga aos conselleiros da Xunta, de Infraestruturas e Educación a través do delegado da provincia, que arranxen ese problema do que son eles responsables”, concluíu o presidente da Deputación de Lugo.

ÚLTIMAS

Obradoiros de coiro, cerámica e teares para celebrar os ‘Días Europeos da Artesanía’

A Vicepresidencia da Deputación de Lugo, a través da área de Artesanía, súmase á...

Coñecemos á ‘Galiartesá’, Pepa Lombao, oleira de Bonxe

O Galicia Confidencial presenta a serie 'Galiartesáns e galiartesas' coa que procura visibilizar diferentes oficios artesáns...

O Concello de Lugo defende que os recursos empregados no Ceao foron “suficientes”

A concelleira de Cohesión Social de Lugo, Ana González Abelleira, saíu ao paso das...

Bombeiros dá por extinguido o incendio no polígono de O Ceao e a Policía Científica inicia a súa investigación

Bombeiros de Lugo deu por extinguido este mércores o incendio que calcinou na xornada...