A alcaldesa de Lugo destaca que axilizou 23 millóns de euros para facer fronte á crise da Covid

Dá "os parabéns" ao Goberno de Sánchez "por tentar dar solución" aos remanentes municipais.

A alcaldesa Lara Méndez durante a rolda de prensa sobre a decisión da Xunta de paralizar o proxecto da Residencia | Óscar Bernárdez
A alcaldesa Lara Méndez durante a rolda de prensa sobre a decisión da Xunta de paralizar o proxecto da Residencia | Óscar Bernárdez

A alcaldesa de Lugo, a socialista Lara Méndez, destacou este mércores que o concello axilizou 23 millóns de euros para facer fronte á crise da Covid, cinco no plan Reanima e 18 en facturas a proovedores. Así, presumiu de que o Consistorio de Lugo, desde 2017, “afortunadamente ten débeda cero, o cal está a permitir facer uso dos remanentes”.

Neste sentido, lembrou que no concello “xa se fixeron tres modificacións de crédito no que vai de mandato, unha delas eses 5 millóns de euros do plan Reanima para axudar a dar fluidez á economía da cidade”. “O Concello de Lugo segue utilizando os seus remanentes, seguirémolos utilizando. Agora queremos traballar nun plan de reestruturación para a cidade e por tanto seguiremos facendo uso dos mesmos”, incidiu.

En calquera caso, Méndez admitiu que o Concello de Lugo ten uns remanentes “moito máis mermados facendo unha comparativa con outros municipios”. “Cando estivemos na situación de alarma, de confinamento, máis aló de habilitar eses 5 millóns de euros (plan Reanima) para ese fin, fixemos un pago de 18 millóns de euros en axilizar aos provedores o pago das facturas para que tivesen liquidez”, expuxo.

PEDRO SÁNCHEZ

felicitou ao Goberno central que preside o socialista Pedro Sánchez “por tentar dar solución” á problemática asociada aos remanentes dos municipios.

“Creo que hai que darlle o parabén ao Goberno de España, ao Goberno de Pedro Sánchez, por tentar dar unha solución a este problema”, dixo, antes de identificar “a vontade de articular instrumentos para pór a disposición dos concellos os remanentes”.

Méndez celebrou que o Executivo trate de “buscar instrumentos e tentar reverter unha situación” á que, segundo dixo, “abocou o Partido Popular cando gobernou”, debido á coñecida como Lei Montoro. “Seguimos aínda con esa rémora, que nos quitou competencias aos propios concellos tentando tutelar os nosos aforros”, criticou.

A continuación,