O BNG reclama “test masivos” no Incio e maior protección nas residencias

A deputada do BNG, Carme Aira, cualifica de "inadmisible" que se repitan algunhas situacións tras meses de pandemia, o que na súa opinión evidencia a "insuficiencia de protocolos" por parte da Xunta.

Un home na porta da Residencia de anciáns do Incio, en Lugo (España), onde se detectou un brote de coronavirus, o 20 de agosto de 2020.. Carlos Castro - Europa Press

A deputada nacionalista Carme Aira trasladou este venres as condolencias do BNG a familiares e amigos das dúas persoas falecidas pola COVID-19 usuarias da residencia de maiores do Incio.

A parlamentaria do BNG volveu a esixir, ao tempo, a execución de “todas as medidas necesarias” para garantir a seguridade das persoas contaxiadas nas residencias de maiores ou susceptibles de contaxio co seu traslado ou separación si a situación así o require.

Por outra banda, Carme Aira tamén volveu a demandar “test masivos” no concello do Incio e “un plan exhaustivo de rastrexo para detectar posibles positivos co fin de proceder ao seu illamento”.

A deputada do BNG cualifica de “inadmisible” que se repitan algunhas situacións tras meses de pandemia, o que na súa opinión evidencia a “insuficiencia de protocolos” por parte da Xunta e pregunta cantos rastreadores están destinados a detectar o virus, cantas PCR está previsto realizar na contorna da residencia do Incio e que medidas destinaranse a protexer a persoas non contaxiadas mentres se vela polas asintomáticas.

DEIXAR UN COMENTARIO

Please enter your comment!
Please enter your name here