O PSdeG suspende os mitins na provincia de Lugo

A formación limitará a actividade a paseos e comparecencias.

O candidato do PSdeG á Presidencia da Xunta, Gonzalo Caballero, e o ministro de Sanidade, Salvador Illa. PSDEG

O comité de campaña do Partido Socialista decidiu suspender os mitins na provincia de Lugo con motivo do rebrote da COVID-19 na comarca da Mariña.

Nun comunicado remitido aos medios, o PSdeG sinala que a actividade nesta provincia, na que un rebrote de coronavirus obrigou a pechar A Mariña, limitarase a paseos e comparecencias no territorio.

Esta decisión foi trasladada polo secretario de Organización do PSdeG, José Antonio Quiroga, ao conxunto do partido, unha medida que enmarcou na “responsabilidade esixible” nestes momentos.