O PP cuestiona agora a eficacia e a seguridade do carril peonil da Rolda

Ramón Carballo ve insuficiente a sinalización colocada nesta vía e pregúntase por canto tempo máis se vai prolongar esta medida que, segundo el, xa causa molestias na circulación con "colas interminables" de vehículos.

Ringleira de vehículos na Rolda da Muralla | ALX

O grupo municipal do Partido Popular en Lugo pon en dúbida a eficacia do carril peonil da Rolda da Muralla unha vez rematada a etapa de confinamento total. Se ben admiten que foi “unha boa táctica para gañar espazo para os viandantes”, coidan que agora esta medida está causando molestias na circulación en xeral. Falan de longas colas de vehículos que, xunto cunha sinalización “insuficiente”, non garanten os desprazamentos dos peóns.

O voceiro popular, Ramón Carballo, refírese así á medida impulsada polo Concello para peonalizar temporalmente parte da circunvalación da Muralla. Esta iniciativa púxose en práctica coa axuda duns conos de plástico que impiden o paso dos vehículos ao carril interior da vía. Para o PP, esa sinalización “non é a máis apropiada” para garantir a “seguridade vial dos veciños” e apostan por mellorar este aspecto.

Ademais, Carballo pregúntase “canto tempo máis van manter esta peonalización” e asegura que recibiu queixas de veciños por “colas interminables” a diferentes horas do día. Mesmo sinala que houbo problemas para que pasasen vehículos de emerxencias. “As peonalizacións en época COVID non poden ser decisións aleatorias e, se son definitivas, cómpre presentar un estudo no que se ofrezan alternativas de circulación para o tráfico rodado e para evitar o colapso na Rolda”, engade.

MÁIS PROBLEMAS PARA OS PEQUENOS NEGOCIOS?

No mesmo sentido, Ramón Carballo tamén apuntou aos “problemas que teñen moitos pequenos comercios de proximidade” situados en zonas recentemente peonalizadas, como o carril dos Loureiros, exemplificou. Lamenta que nestas rúas “teñen que deixar toda a calzada libre e non poden aparcar nin un minuto”. E remataba cunha advertencia ao bipartito: “Coidado con estas decisión en época de crise. Poden poñer a puntilla para moitos destes negocios de barrio”.

1 COMENTARIO

  1. Sr. Carballo. Volvemos de nuevo al eterno dilema de la peatonalizacion de las calles.
    No sea usted alarmista, hombre. Antiguamente se circulaba en coche por la calle de la Reina, Xoan Montes, Progreso, Praza Maior, Campo Castelo, Noreas, San Pedro, etc… e incluso se estacionaba alrededor de la Catedral, imagineselo hoy….
    Y vino un alcalde (de su partido, pr cierto) que con buen criterio, decidió peatonalizar gran parte del centro. Aquello era la debacle…. DIOS MIO… NOS LLEVA A LA RUINA…. decían algunos comerciantes (igual que lo dice usted hoy).
    Sin embargo, el tiempo le ha dado la razón. A alguien se le ocurriría abrir al trafico de nuevo esas calles? Pues no, efectivamente.
    Desengañese. Una zona peatonal es mucho mejor para el comercio, ya que la gente se mueve a pie, y se puede parar a ver un escaparate, etc… lo cual no pueden hacer desde el coche.
    Además, si usted va en coche… en donde lo deja? Porque si se puede estacionar, evidentemente esrtaran todas las plazas de estacionamiento llenas todo el día, precisamente ocupadas por los comerciantes, que son los primeros en llegar, para abrir.
    Lugo es una ciudad pequeña, y se llega enseguida andando a cualquier parte. Pida usted mas estacionamientos disuasorios, y mas zonas peatonales, hombre, avance hasta el siglo XXI.

DEIXAR UN COMENTARIO

Please enter your comment!
Please enter your name here