Dous cambios de alcaldía en Lugo un ano despois das eleccións municipais

O ex-alcalde de Baralla, Manuel González Capón / La Sexta

Case unha decena de concellos galegos cambiaron de alcalde no primeiro ano de mandato, período no que se rexistraron mocións de censura nos municipios coruñeses de Fene e Mugardos. Ademais, neste primeiro ano desde as eleccións municipais celebradas o 26 de maio de 2019, distintas razóns provocaron cambios nas alcaldías de Bande, Cenlle e San Amaro, Baralla e Mondoñedo e Cerceda .

Varios estiveron motivados pola morte ou marcha dos que eran rexedores para concorrer nas listas ás eleccións autonómicas do 5 de abril –finalmente suspendidas polo COVID-19–. Este é o caso de Mondoñedo ou Baralla.

En Mondoñedo, onde a que era rexedora, Elena Candia, renunciou ao cargo para encabezar a candidatura dos populares pola provincia. A marcha de Candia, que tamén lidera o PP provincial, motivou que o popular Manuel Otero, que concorrera como o seu número dous, e se fixese co bastón de mando.

En Baralla, o que fora alcalde durante máis de 30 anos, Manuel González Capón (PP), faleceu 17 días despois de tomar posesión afectado dunha grave enfermidade. Tras iso e coa renuncia do número dous da lista, tomaría posesión o seu fillo, Miguel González Piñeiro, como primeiro edil. Toda a reportaxe en Galicia Confidencial.

DEIXAR UN COMENTARIO

Please enter your comment!
Please enter your name here