InicioPolíticaFeijóo, sobre o retraso na apertura do Auditorio: "Con Orozco non tería...

Feijóo, sobre o retraso na apertura do Auditorio: “Con Orozco non tería pasado”

O presidente do PP e da Xunta prometeu que a Xunta axudará na rehabilitación do cuartel de San Fernando.

PUBLICADA O

- Advertisement -

EFE.-  O presidente da Xunta e do Partido Popular de Galicia, Alberto Núñez Feijóo, asegurou hoxe que “con Orozco” na Alcaldía de Lugo o novo auditorio da cidade xa estaría aberto.

Feijóo fixo estas declaracións no transcurso dun almorzo informativo no Gran Hotel de Lugo para facer balance dos seus dez anos de goberno á fronte da Xunta de Galicia. Alí comentou que, desde o seu punto de vista, o atraso que acumula a apertura do novo auditorio “non tería pasado con Orozco, porque sabía as complicacións que houbo para sacalo adiante”, nunha época de “vacas fracas”, segundo insistiu.

De feito, lembrou que foi o anterior alcalde quen “convenceu” o propio Feijóo da necesidade de facer esa infraestrutura cultural na cidade. “Díxenlle que non tiña un duro”, recoñeceu Feijóo, pero ao final o exalcalde acabou por convencelo e a Xunta de Galicia accedeu a facer ese investimento.

“Tiñamos un acordo, tiñamos un convenio” co consistorio, proseguiu Feijóo, pero unha vez terminada a obra civil , “o Concello dixo que non tiña diñeiro para equipalo”, polo que foi a administración autonómica a que tivo que adiantar os 3,2 millóns de euros. Agora “que está todo terminado seguimos nesta situación”, lamentou para queixarse das “trabas” do Concello. E é que os técnicos municipais revisaron o edificio e atoparon humidades, tras o que pediron que fose arranxado.

REHABILITACIÓN DO CUARTEL DE SAN FERNANDO

Feijóo tamén afondou na situación do cuartel de San Fernando. O popular defendeu o proxecto da Xunta de Galicia para facer un parador-museo nese edificio histórico. O Concello e varias asociacións da cidade rexeitan a idea do parador e apostan por un  Museo da Romanización.

Dixo que en política hai que ser “pacientes” e non “impulsivos”, porque confía en que chegará o día, se o PP segue á fronte da Xunta de Galicia, no que o goberno galego se sentará “ coa cidade” para sacar adiante un proxecto que “atraia a xente e investimento”, que sexa realmente “un foco de atracción” para a cidade e non só “unha idea”. Nese sentido, asegurou que a Xunta de Galicia estará “na rehabilitación” de San Fernando.

ÚLTIMAS

Foxe á carreira tras ser interceptado conducindo sen carné e tras consumir alcol e drogas

Un home de 31 anos de idade deuse á fuga na madrugada deste martes en Lugo...

Nova oficina do SEPE en Lugo, pola que pasarán 27.000 veciños ao ano

A antiga Escola de Enfermaría de Lugo acolle a nova oficina do SEPE na...

Conmemoran a batalla do Porto de Bois e reivindican “Altri non”

Coincidindo coa xornada de conmemoración da batalla de Porto de Bois, xuntouse un grupo...

Lugo rexistra un terremoto de magnitude 3.6 que se fixo notar

Un terremoto de magnitude 3,7 na escala de Richter con epicentro en Sarria foi...