Os candidatos do Partido Popular ao Parlamento de Galicia pola provincia de Lugo, José Manuel Balseiro e Ramón Carballo, consideran que a alcaldesa, tomou “a peor decisión” ao renunciar á creación dun parador turismo en San Fernando. Segundo eles, esa infraestrutura sería perfectamente compatible coa posta en marcha do Museo da Romanización.
Acúsana de “apostar pola unilateralidade e o bloqueo”, logo de que a rexedora municipal anunciase que o Museo da Romanización se ía construír “si ou si”. Asemade, os populares agradecen que con esta decisión lles “dea a razón”. “Nós sempre dixemos que se a alcaldesa quería crear o Museo da romanización en San Fernando podía facelo cando quixera, porque o cuartel é un edificio de titularidade cen por cen municipal, pero si quere o apoio dunha administración gobernada polo PP, o lóxico é que admita que nós temos un modelo alternativo e acepte que temos dereito a debatelo”.
A alcaldesa, Lara Méndez, manifestara que agora é o momento de que a Xunta aclare se vai investir ou non os 10 millóns prometidos.
