O candidato lucense rebélase contra a dirección de Ciudadanos por querer integrarse dentro do PP

José Manuel Blanco aposta por que Ciudadanos vaia ás eleccións baixo as súas siglas e non integrado dentro do PPdeG.

O candidato de Ciudadanos pola provincia de Lugo, José Manuel Blanco / Ciudadanos.

O enxeñeiro José Manuel Blanco, candidato nas primarias de Ciudadanos á Xunta de Galicia, defende a necesidade de que esta formación se presente soa, sen ir dentro do PPdeG.

Así, denfendeu a “independencia” da formación laranxa como “partido de centro, moderado e liberal”, que debe “presentarse en solitario ás próximas eleccións autonómicas”, polo que rexeita “ coaligarse” ou “integrarse co PPdeG”.

Segundo Blanco, “os afiliados da liña oficialista xa teñen candidato antes de finalizar as primarias”, e criticou que  “Beatriz Pino se presente como candidata de Cs cando o seu candidato é Feijóo”. Desde o seu punto de vista, neste proceso de primarias “se quere prescindir do obrigado debate de ideas de cada candidato”. “

Cando un se presenta a unhas primarias debe ofrecer alternativas de goberno”, engadiu, ademais de precisar que “pedirá que se faga un debate de ideas retransmitido a todos os afiliados antes das votacións do sábado”. Ao seu xuízo, “se Beatriz Pino gaña as primarias de Cs Galicia significará a integración do partido no PP”.

DEIXAR UN COMENTARIO

Please enter your comment!
Please enter your name here