O BNG lanza a precampaña electoral e o PP de Lugo acúsao nas redes de copiarlle o slogan

"A campaña de Ana Pontón é tan sisuda que se baseou nun Ctrl+C e Ctrl+V do PP", aseguran na súa conta oficial de Twitter.

Olalla Rodil e Xavier Campos presentan o slogan da precampaña para as autonómicas | BNG

O Bloque Nacionalista Galego (BNG) vén de lanzar a candidatura de Ana Pontón á presidencia da Xunta de Galicia nun acto no que tamén presentaron o seu slogan de precampaña: ‘Galiza en marcha’. A frase escollida foi criticada nas redes sociais polo PP de Lugo, que acusa os nacionalistas de copiar un lema de seu.

“A campaña de Ana Pontón é tan sisuda que se baseou nun Ctrl+C e Ctrl+V do PP”, compartía na conta de Twitter o grupo municipal do PP. Acompañaban o chío cunha imaxe na que se podía observar un lema usado polos populares lucenses, moi similar ao que agora elixiu o BNG: ‘Lugo en marcha’.

Non obstante, a pesar das críticas do PP e do seu afán por apropiarse desta frase, cómpre lembrar que esta é unha estrutura moi manida en diversas campañas: dende o ‘España en marcha’ de Ciudadanos nas pasadas eleccións de novembro ata o ‘Republique En Marche!’, o partido do francés Emmanuel Macron.

1 COMENTARIO

  1. Para pedilo voto sí lle dades ao imaxinario, peperos. Agora para loitar contra a velutina, os lumes, a ameixa xapónica, a emigración…que o arregle o BNG, non sí? In Com Pe Ten Cia.

DEIXAR UN COMENTARIO

Please enter your comment!
Please enter your name here