A Casa da Cultura de Becerreá acolleu este martes a presentación do grupo local de Cidadáns neste municipio, que pretende desenvolver a súa actividade “cunha proxección que abarca toda a montaña lucense”.
Segundo informa a formación laranxa, no acto, ao que asistiron varios veciños da zona, participaron o secretario de Organización de Ciudadanos en Galicia, Laureano Bermejo; a cabeza de lista ao Congreso pola provincia, José Manuel Blanco; e o coordinador da agrupación de Lugo, Jacobo Vázquez.
Así, este novo grupo local aspira a converterse “no referente político para todos aqueles cidadáns da comarca que teñan un pensamento de centro e aspiren a mellorar esta zona tradicionalmente esquecida” por parte das administracións.
O equipo de traballo presentado este martes está composto, entre outros, por Alberto Carreras, que se encargará da coordinación do traballo en distintas áreas.
Carreras é un veterinario de profesión que leva exercendo a profesión desde 1988 na comarca. Foi presidente da asociación de empresarios de Becerreá durante catro anos e presidente do Plan de Desenvolvemento LEADER interregional durante outro tres, segundo informa o partido.