InicioTerra CháA PastorizaAlcaldes do PP e PSOE da Terra Chá únense contra os proxectos...

Alcaldes do PP e PSOE da Terra Chá únense contra os proxectos mineiros de Erimsa na comarca

Os rexedores mantiveron un encontro con representantes da Comisión contra as Minas da Terra Chá.

PUBLICADA O

- Advertisement -

Os alcaldes de Abandín, A Pastoriza, Castro de Rei e Cospeito uníronse este venres para expresar a súa oposición aos proxectos mineiros da empresa norueguesa Erimsa na comarca da Terra Chá.

Os rexedores mantiveron un encontro con representantes da Comisión contra as Minas da Terra Chá, integrada por unha vintena de colectivos sociais, sindicais e veciñais da comarca.

Na reunión, os participantes pactaron un comunicado no que expresan a súa preocupación polos “posibles impactos e consecuencias negativas que implicaría” para a comarca os proxectos extractivos de Erimsa na zona.

As entidades asinantes remarcan que non existe “ningún prexuízo nin animosidade” contra esta empresa, senón que os motivos da oposición a estes proxectos radican na “responsabilidade” de defender “os valores” e o “medio de vida” da comarca.

“Os chairegos somos ser xente pacífica e solidaria. Pero tamén somos xentes que defendemos o noso patrimonio, cun arraigado espírito emprendedor, caracterizado no noso ánimo de acollida a toda iniciativa emprendedora que supoña progreso para a nosa comarca a condición de que sexa respectuosa cos valores da nosa contorna e o noso medio de vida”, sinala o comunicado.

Deste xeito, subliñan que “o medio de vida tradicional” na comarca caracterizouse por “un importante” desenvolvemento agrogandeiro apostando por “modernas” instalacións e infraestruturas financiadas con diñeiro público e privado que lograron alcanzar “altos índices de actividade”, o que provocou o “asentamento” de industrias lácteas, fábricas de pensos e iniciativas empresariais múltiples.

“GRAVE AFECCIÓN” ÁS EXPLOTACIÓNS

Así as cousas, inciden en que a oposición á actividade extractiva na Terra Chá “non é un capricho” senón un exercicio de “responsabilidade”, pois temen que estes proxectos poidan pór en risco “un maior acceso a base territorial das explotacións”, provocar a “degradación” dos chans e a redución dos terreos dedicados ao pasto.

“A reposición do chan orixinal, de producirse a explotación mineira, é de difícil viabilidade porque o volume que se devolve ao oco mineiro é inferior ao que existía orixinalmente, cunha diminución do nivel do chan orixinal”, resalta a plataforma contra as minas.

“Entendemos que é noso deber para que unha comarca como a nosa arrisque con converterse nunha zona deprimida por culpa dun uso non racional e útil socialmente dos nosos recursos naturais, favorecendo o despoboamento rural e o empeoramento da calidade de vida das xentes que viven e traballan nesta comarca”, advirten.

ÚLTIMAS

Nova oficina do SEPE en Lugo, pola que pasarán 27.000 veciños ao ano

A antiga Escola de Enfermaría de Lugo acolle a nova oficina do SEPE na...

Conmemoran a batalla do Porto de Bois e reivindican “Altri non”

Coincidindo coa xornada de conmemoración da batalla de Porto de Bois, xuntouse un grupo...

Lugo rexistra un terremoto de magnitude 3.6 que se fixo notar

Un terremoto de magnitude 3,7 na escala de Richter con epicentro en Sarria foi...

Un policía local de Lugo fóra de servizo practica un RCP e sálvalle a vida

Un policía local de Lugo que se atopaba fóra de servizo practicou unha manobra de...