InicioLugo e contornaA Deputación confía en levar a pleno o proxecto de orzamentos para...

A Deputación confía en levar a pleno o proxecto de orzamentos para 2020 en novembro

O goberno bipartito da deputación pretende ter concluída a elaboración das partidas provinciais para levalas a pleno en novembro e, xa en outubro, aclarou Porto, "haberá que facer a preparación definitiva".

PUBLICADA O

- Advertisement -

Tanto socialistas como os seus socios do BNG no goberno da Deputación de Lugo confían en que o proxecto de orzamentos provinciais vaia a pleno no mes de novembro, co obxectivo de que sexan xa operativos a un de xaneiro de 2020.

Así o trasladou tanto a portavoz do PSOE do bipartito provincial, Pilar García Porto, como a vicepresidenta, a nacionalista Maite Ferreiro, tras a Xunta de Goberno deste venres. Nas contas do próximo ano, avanzaron, manterase o Plan Único, que inclúe partidas para todos os concellos da provincia de Lugo, ata un total de 67.

A vicepresidenta, Maite Ferreiro, confirmou que se está “empezando” coa elaboración das partidas. “É un proceso que hai que tratalo con tempo e o que si se pretende, e aí tanto PSOE como BNG estamos totalmente de acordo, é presentar uns orzamentos axustados á realidade canto antes para que empecemos a traballar o próximo ano coas contas aprobadas”, indicou.

O Plan Único, un programa de investimentos dirixido a todos os concellos, é o “obxectivo” que, segundo a portavoz socialista Pilar García Porto, marcouse como “prioritario”. Do mesmo xeito, explicou que este venres “concluía un prazo que se lle dá a cada área para que presente ante intervención da institución a súa proposta de orzamento e, a partir de aí, en función das necesidades, comezarán as reunións do equipo de goberno, con esa meta clara de que os orzamentos entren en vigor o un de xaneiro”, incidiu a socialista.

Sexa como sexa, o goberno bipartito da deputación pretende ter concluída a elaboración das partidas provinciais para levalas a pleno en novembro e, xa en outubro, aclarou Porto, “haberá que facer a preparación definitiva“.

“Vimos de aprobar a conta xeral no pleno, hai que presentala na entrada de outubro e, a partir de aí, a parte técnica da deputación é a que se empeña na elaboración do orzamento e, en paralelo, iremos traballando na parte política que non creo que nos vaia a demorar no tempo”, concluíu Porto.

ÚLTIMAS

Obradoiros de coiro, cerámica e teares para celebrar os ‘Días Europeos da Artesanía’

A Vicepresidencia da Deputación de Lugo, a través da área de Artesanía, súmase á...

Coñecemos á ‘Galiartesá’, Pepa Lombao, oleira de Bonxe

O Galicia Confidencial presenta a serie 'Galiartesáns e galiartesas' coa que procura visibilizar diferentes oficios artesáns...

O Concello de Lugo defende que os recursos empregados no Ceao foron “suficientes”

A concelleira de Cohesión Social de Lugo, Ana González Abelleira, saíu ao paso das...

Bombeiros dá por extinguido o incendio no polígono de O Ceao e a Policía Científica inicia a súa investigación

Bombeiros de Lugo deu por extinguido este mércores o incendio que calcinou na xornada...