InicioPolíticaO alcalde de Monterroso gobernará a base de decretos tras a marcha...

O alcalde de Monterroso gobernará a base de decretos tras a marcha dos seus concelleiros

O independente Antonio Gato cre que o seu achegamento ao PP foi o que motivou que os seus edís pasaran ao grupo de non adscritos.

PUBLICADA O

- Advertisement -

O alcalde de Monterroso, o independente Antonio Gato, gobernará só e a base de “decretos”, sen xunta de goberno, tras a marcha dos seus tres concelleiros ao grupo de non adscritos.

Gato, un dos dirixentes históricos do PSOE de Lugo, portavoz no Parlamento de Galicia e na Deputación, presentouse baixo as siglas de Independentes de Monterroso o 26 de maio. Nos comicios logrou catro concellarías fronte a tres do PSOE, tres do PP e unha de Compromiso de Galicia. Finalmente, logrou ser investido cos votos dos populares.

O ACHEGAMENTO AO PP NON GUSTOU, PENSA

O rexedor enfróntase agora a un escenario en solitario tras a marcha dos concelleiros ao grupo de non adscritos. Neste sentido, mostrouse “absolutamente” convencido de que este feito vén motivado polo seu intento de buscar “un goberno de coalición co Partido Popular” co obxectivo de que a Xunta “financie proxectos que son o futuro do concello”. “Hai algúns que me acompañaban que vían reducidas as súas posibilidades (con ese pacto de goberno co PP)”, interpreta. Mentres tanto, Gato advertiu que seguirá de alcalde “ata que haxa unha moción de censura”. 

“O decreto vai ser o meu procedemento de goberno do municipio. Para calquera circunstancia que necesiten os veciños e veciñas asinarei decretos e con ese instrumento gobernarei en Monterroso, da mellor forma posible, da forma máis transparente posible e coa maior eficacia que eu poida”, comprometía finalmente.

ÚLTIMAS

Obradoiros de coiro, cerámica e teares para celebrar os ‘Días Europeos da Artesanía’

A Vicepresidencia da Deputación de Lugo, a través da área de Artesanía, súmase á...

Coñecemos á ‘Galiartesá’, Pepa Lombao, oleira de Bonxe

O Galicia Confidencial presenta a serie 'Galiartesáns e galiartesas' coa que procura visibilizar diferentes oficios artesáns...

O Concello de Lugo defende que os recursos empregados no Ceao foron “suficientes”

A concelleira de Cohesión Social de Lugo, Ana González Abelleira, saíu ao paso das...

Bombeiros dá por extinguido o incendio no polígono de O Ceao e a Policía Científica inicia a súa investigación

Bombeiros de Lugo deu por extinguido este mércores o incendio que calcinou na xornada...