“Manga ancha e pasotismo”: así ve o PP a actitude do PSOE ante a polémica de ‘Def con Dos’

Os populares aseguran que Lara Méndez está a darlles un "cheque en branco" aos seus socios de goberno, algo que se traducirá na "radicalización" das festas do San Froilán.

O grupo musical Def con Dos | defcondos.com

O grupo municipal do PP acusou á alcaldesa de Lugo de amparar a contratación de ‘Def con Dos’, cuxo vocalista “humilla as vítimas do terrorismo”. Aseguran que Méndez está ofrecendo un “cheque en branco” ao BNG ao darlles a autonomía para deseñar o cartel do San Froilán. Esa “permisividade”, din, tradúcese no apoio a grupos “dunha ideoloxia concreta” que “politizan unhas festas que son de todos.

“Manga ancha e pasotismo”. Así é como definen os populares a actitude do PSOE de Lugo con respecto aos seus socios de goberno. Cren que a súa nula reacción amosa que son “uns mercenarios políticos que se quedan mudos con tal de seguir ocupando asento e pisando moqueta”. O vicevoceiro do PP, Antonio Ameijide, critica que iso significa que a alcaldesa avala “que un individuo condenado por enaltecemento ao terrorismo cobre o seu caché pagado por todos os lucenses”.

Así mesmo, Ameijide criticou a falta de consenso á hora de pechar a contratación de ‘Def con Dos’ e non repara de cualificar o movemento como unha “imposición” do BNG. Dende o PP piden “responsabilidade” para evitar a “radicalización” das festas, así como “altura de miras” para facer fronte a unha cuestión que, para eles, non é “pequena”.

DEIXAR UN COMENTARIO

Please enter your comment!
Please enter your name here