O xulgado arquiva a denuncia do PP polos contratos caducados en Lugo

"Ningunha das declaracións practicadas corroboran tal imputación", apunta a sentenza que bota abaixo todos argumentos aportados polos populares.

O Xulgado de Instrución número 1 de Lugo decretou o “sobresemento provisional e arquivo” da denuncia por unha suposta prevaricación administrativa e malversación de fondos públicos presentada polo grupo municipal do Partido Popular en relación co atraso na readxudicación dos contratos caducados no Concello.

Nun auto, ao que EFE tivo acceso, o xulgado determina que “o exame do actuado non permite ter por acreditada a existencia das infraccións penais mencionadas, pois nin da documentación achegada nin das declaracións do interventor e do xefe de Contratación do órgano municipal se desprenden indicios da súa comisión”.

Na mesma liña, matiza que “ningunha das declaracións practicadas corroboran tal imputación”, dado que tanto o interventor municipal como o xefe de Contratación, aínda que recoñeceron que efectivamente se excederon con moito os prazos máximos de contratación, non se advertiu ningún tipo de conivencia nin que iso fose para favorecer a ningunha persoa ou entidade concreta”.

De feito, subliñaron que esa situación se debía á propia dinámica municipal, xa de seu lenta, á descoordinación entre os distintos departamentos e ao cambio da normativa”. Ademais, o interventor municipal precisou que, “non sendo unha situación desexable”, era “semellante á doutros concellos”.

1 COMENTARIO

  1. O PP deixouse levar polos cantos de sirena de Ciudadanos e así lle foi. Esto non é o único embolado no que se meteu o PP pola ànsia de imputar á Alcaldesa. Ganas había a moitas pero quen facía o traballo sen personal, cos informes de mesa en mesa como ben decía Carmen Uz?? Os lucenses NON SOMOS TONTOS E A XUSTIZA PARECE QUE TAMPOUCO.

DEIXAR UN COMENTARIO

Please enter your comment!
Please enter your name here