A candidata á Alcaldía do Partido Socialista e actual alcaldesa en funcións, Lara Méndez, informou este luns de que aínda non hai “nin día nin hora” para iniciar as conversacións co BNG para a formación dun goberno estable de coalición para o próximos catro anos, con maioría absoluta no pleno local.

Aínda que estaba previsto que esas negociacións comezasen hoxe mesmo, finalmente non foi posible facer cadrar “as axendas” de ambos os partidos para convocar a primeira reunión.

“Estamos á espera de cadrar as axendas para poder sentarnos a negociar”, dixo Lara Méndez, quen tamén confirmou que o equipo de negociadores do PSdeG estará formado polo portavoz do goberno municipal, Miguel Fernández; o secretario xeral do partido na provincia, Álvaro Santos, e ela mesma.

Por parte do BNG, participarán nas negociacións o candidato á Alcaldía, Rubén Arroxo, e os concelleiros electos Álex Penas e Mayte Ferreiro