O polémico campionato provincial de caza do raposo deixou varios incidentes entre cazadores e activistas. Colectivos animalistas procedentes de toda España solicitaron permisos para pasear polas zonas nas que era máis probable a celebración da proba, ocultada no calendario oficial da Federación, e sobre a que as administracións negaron información que debería ser de dominio público. O máis grave dos encontros produciuse cando un cazador disparou ao paso dun coche no que viaxaban catro activistas, que resultaron ilesas.
O individuo que realizou o disparo foi identificado pola Garda Civil, e o feito foi denunciado na comisaría de Vilalba. As testemuñas apuntan a que na mesma cuadrilla do implicado había un menor de idade.
Os colectivos a prol do medio ambiente pediron a cancelación do campionato de caza por mor dos choques entre cazadores e a trintena de activistas desprazados por grupos, que denuncian acoso e danos contra os coches. Neste momento valoran novas iniciativas legais. Aliás, os cazadores decidiron continuar coa proba de carácter provincial.
Lo que sobran son los cazadores, que se dediquen a tirar al plato en vez de matar, matar y matar por placer, son unos anormales.