InicioMovementos sociaisA Federación de Veciños vixiará os retrasos hospitalarios

A Federación de Veciños vixiará os retrasos hospitalarios

O colectivo veciñal acordou facer un seguimento da Xestión Integrada de Lugo, Cervo e Monforte e pon a disposición contactos para a denuncia de problemas

PUBLICADA O

- Advertisement -

A Federación de Asociacións de Veciños da Provincia de Lugo terá un papel activo na fiscalización das listas de espera e servizos hospitalarios. Así o decidiu a comisión permanente debido á “alarmante situación” detectada na Estrutura Organizativa de Xestión Integrada (EOXI) de Lugo, Cervo e Monforte.

O seguimento do correcto labor do Sergas por parte da Federación ten carácter xeral, mais adicando especial atención a varias funcións problemáticas na provincia. Trátase dos departamentos de Cardioloxía, Resolución Cardiolóxica, Traumatoloxía, Xinecoloxía, Uroloxía, Oftalmoloxía, Dermatoloxía, Neuroloxía, Cirurxía Vascular, Rehabilitación, Densiometrías, Pediatría e Hemodinámica.

Así, a Federación avaliará casos de “tardanza desmesurada” na resposta e na devolución de resultados de probas, problemas en urxencias ou no Servizo de Atención ao Paciente, desvíos a clínicas privadas, falta de celadores e cadeiras abondo, mantemento cotián, tabaquismo no ámbito hospitalario, dispoñibilidade de televisión e internet, e inconvintes vencellados ao parking interior.

Dende o colectivo apostan por pluralizar este control e habilitan tres xeitos de contacto para denunciar demoras ou servizos insuficientes. Os usuarios poderán contactar coa Federación, coa condición de trasladar o tipo de especialidade, a data de consulta e data do servizo, así como un contacto telefónico, a través do 982-203-721, e os correos   fedveclucusa@gmail.com e ciudadaniaesaude@gmail.com.

Carballo: “Na Federación non queremos molestar, pero ás veces hai que facelo”

ÚLTIMAS

Candia esixe ao goberno de Lugo que actúe ante os conflitos que se orixinan nos locais do lecer da rúa Tui

O barrio da Milagrosa de Lugo rexistrou esta fin de semana un novo incidente...

Detido en Lugo un home que quedou cunha menor de idade a través dunha aplicación de citas

A Policía Nacional detivo en Lugo a un home que foi sorprendido o pasado día 3...

Identificados catro almerienses por presuntamente estafar 4.500 a un empresario lucense por Internet

A Garda Civil de Lugo identificou a catro veciños de Almería por supostamente estafar 4.500 euros...

Incendio nunha empresa de colchóns de Palas de Rei mobiliza un amplo operativo de emerxencias

Os servizos de emerxencias traballan na extinción dun incendio iniciado no exterior do recinto...