A asociación 25 Xastres lanza unha campaña de recollida de alimentos en Monterroso

O actor Sergio Pazos, a cantante Uxía ou o humorista Oswaldo Digón son algúns dos artistas que apoian a iniciativa en redes.

Banco de alimentos / BE Santurtzi (Flickr)

A pandemia non permite celebrar este ano en Monterroso a tradicional Gala Solidaria da asociación 25 Xastres, mais o colectivo propúxose trasladala ás redes e lanzaron unha campaña de recollida de alimentos para axudar as familias máis necesitadas do concello este Nadal.

Quen queira colaborar poderá facelo entre o 5 e o 12 de decembro. Habilitaranse distintos puntos de recollida: o supermercado Eroski City, o supermercado Dia e as instalacións do Concello de Monterroso. Agradecen a achega de alimentos non perecedoiros, alimentación infantil e produtos do Nadal.

Para anunciar a iniciativa, 25 Xastres contou coa axuda dos seus “padriños e madriña”: Carlos Pereiro, Sergio Pazos, Uxía, Pablo Antas, Oswaldo Digón e Carlos Blanco.

DEIXAR UN COMENTARIO

Please enter your comment!
Please enter your name here