Representantes e militantes do BNG da comarca de Lugo mantiveron onte, 3 de xuño, unha xuntanza con integrantes da comunidade dominicana na cidade e trasladáronlles o seu “apoio na loita contra todo tipo de discriminación”.
Durante o encontro realizouse un acto simbólico, ao poñeren un xeonllo sobre o chan. Este xesto é xa unha icona a nivel internacional dentro do movemento ‘Black Lives Matter’, un aceso utilizado por miles de cidadáns e personalidades como signo de rexeitamento ao racismo.
“O racismo non só está nos Estados Unidos de América, malia ser este estado un gran exemplo de xenofobia institucionalizada”, afirmou Olalla Rodil, parlamentaria do BNG e candidata por Lugo. Rodil expresou a “solidariedade internacionalista” do BNG con todas esas persoas que “están a loitar pola xustiza e pola liberdade”. Aposta, pois, por “abrir un tempo novo” e facer avanzar a Galicia cara a unha sociedade igualitaria que “deixe atrás o racismo e o fascismo”.
No es un buen ejemplo ver a un Concejal del Ayuntamiento, estropear los espacios públicos. No me extraña que la gente no respete nada, si los propios mandatarios, dan este ejemplo de incivismo pisoteando el cesped….