O concello lugués de Palas de Rei rexistra un incendio forestal activo que polo momento calcinou unhas 20 hectáreas de superficie, segundo a información da Consellería de Medio Rural.
O lume declarouse na parroquia de Pambre sobre as 19,18 horas e para controlar as chamas foron mobilizados catro axentes, 10 brigadas, catro motobombas e cinco helicópteros.
Tras varias xornadas de altas temperaturas e tempo seco, as previsións apuntan a un empeoramento a partir deste martes, cando o ceo estará parcialmente anubrado e os termómetros, en descenso.