Piden instalar videovixilancia para protexer a fonte de San Vicente

Lugo Monumental propón cámaras de vixilancia para evitar que incidentes coma o do sábado afecten á feble estrutura da fonte de San Vicente

Imaxe das fendas da fonte de San Vicente | Lugo Monumental
Imaxe das fendas da fonte de San Vicente | Lugo Monumental

A asociación empresarial Lugo Monumental amósase inqueda pola falta de protección da fonte de San Vicente, un valor patrimonial icónico do casco histórico que este sábado resultou novamente comprometido. Aínda que permanece enteira, o feito de que dous xoves escalaran a efixie e bailaran nela puxo en serio risco a base da estrutura, que presenta varias fendas e sinais de oxidación. A figura xa tivo que ser restaurada en 2016, a raíz dun acto de vandalismo sen resolver.

A patronal lucense ten un vencellamento especial á fonte de San Vicente, escenario do Milagre, tradición que recuperaron do esquecemento en 2014. Porén, dende Lugo Monumental explican que a proposta de instalar videovixilancia na zona vella trascende os problemas da Praza do Campo, onde lembran que en 2015 quedou sen esclarecer un atropelo mortal. Citan neste senso o deterioro dos ferraxes da Catedral.

A fonte presenta mostras claras de oxidación | Lugo Monumental

A pesar das reticencias que existen no seo da asociación a esta medida intrusiva, aseguran que debe primar a salvagarda do patrimonio centenario e milenario do centro histórico de Lugo. Para limitar o alcance sobre a privacidade, a vixilancia realizaríase nun circuíto pechado, dispoñible unicamente baixo autorización xudicial. Novos danos na fonte, advirten, poderían levar a un “desastre patrimonial irrecuperable”.

O PP levará a iniciativa ao Pleno

O Partido Popular anunciou que levará a instalación de cámaras de seguridade á sesión plenaria da corporación municipal. O voceiro da bancada popular, Antonio Ameijide, suxire que se estude a implantación da videovixilancia noutras “localizacións estratéxicas” e en edificios públicos para garantir a seguridade dos cidadáns e do patrimonio “tal e como se fai noutras capitais europeas”.

3 COMENTARIOS

  1. […] A recente agresión á fonte de San Vicente avivou un interesante debate acerca das medidas de protección do patrimonio histórico material. A asociación empresarial Lugo Monumental considerou necesaria a instalación de cámaras de vixilancia en circuíto pechado na Praza do Campo, proposta que o Partido Popular pediu estender a localizacións estratéxicas do casco histórico. Tal intrusión atopou posicións contrarias en Lugonovo e na plataforma Lugo Sen Mordazas. Asemade, xorde outra opción disuasoria: incrementar o nivel de protección legal da efixie. […]

  2. Non se debe mezclar churras con meninas,o grupo musical non é culpable de que alguén se suba a estatu! Por outro lado están seguros que a fonte estaba ben antes de que se subirán a ela m,¿os ferros están enfurruxados e eso provoca que aumentan de volumes e fai rebentar a cantería,e deso sei bastante,así que merecemos po lo primeiro antes de votar as campás o vuelo

  3. Primeiro debemos ver se a fonte estaba rota antes das festas,segundo non se pode culpar a unha agrupación musical de que a xente se suba o monumento,terceiro os ferros están enfurruxados (non sei si polo vino) e aumentan de volumen e fai que recente a pedra ou cantería e de e do sei bastante,así que controlemis o que falamos por que pode ter cancelas

DEIXAR UN COMENTARIO

Please enter your comment!
Please enter your name here