InicioMedioambiente e PatrimonioCentos de troitas morren no río Magdalena, en Vilalba

Centos de troitas morren no río Magdalena, en Vilalba

Unha vertedura da depuradora, posible causa.

PUBLICADA O

- Advertisement -

Os axentes da Consellería de Medio Ambiente tomaron mostras e retiraron centos de troitas que apareceron mortas este xoves no río Magdalena en Vilalba, posiblemente, por unha vertedura da depuradora.

alcaldesa de Vilalba, Elba Veleiro, lamentou o ocorrido e asegurou que se está á espera dos resultados das análises. Ademais, confirmou que cando os axentes dos diferentes corpos ambientais chegaron ao lugar a auga estaba “bastante clara”.

Fontes da Confederación Hidrográfica Miño-Sil sostiveron que no Sistema Atmosférico de Información Hidrolóxica (SAIH) comprobaron que o pasado luns 8 e o xoves 11 producíronse dúas treboadas, que puideron ser as causantes dun alivio da Estación de Depuradora de Augas Residuais (EDAR) de Vilalba.

Así, apuntaron que estas descargas “son habituais”, pero nesta ocasión aseguran que foron “curtas”, xa que cando chegaron á zona “xa non aliviaba”. Ante a mortaldade dos exemplares, persoal da Confederación tomou mostras na vertedura da EDAR para verificar “se cumpre cos valores límites de emisión da autorización”.

Por outra banda, Veleiro sinalou que desde hai unha semana empezaron as obras para a construción dun pozo de treboadas nas inmediacións da EDAR para tratar de acabar con incidentes deste tipo. Esta acción desenvólvese mediante un convenio asinado entre o Concello e a Confederación.

ÚLTIMAS

Obradoiros de coiro, cerámica e teares para celebrar os ‘Días Europeos da Artesanía’

A Vicepresidencia da Deputación de Lugo, a través da área de Artesanía, súmase á...

Coñecemos á ‘Galiartesá’, Pepa Lombao, oleira de Bonxe

O Galicia Confidencial presenta a serie 'Galiartesáns e galiartesas' coa que procura visibilizar diferentes oficios artesáns...

O Concello de Lugo defende que os recursos empregados no Ceao foron “suficientes”

A concelleira de Cohesión Social de Lugo, Ana González Abelleira, saíu ao paso das...

Bombeiros dá por extinguido o incendio no polígono de O Ceao e a Policía Científica inicia a súa investigación

Bombeiros de Lugo deu por extinguido este mércores o incendio que calcinou na xornada...