O incendio forestal declarado na parroquia de Queizán, no concello de Navia de Suarna, produciuse “nun lugar onde non adoita haber problemas” relacioinados co lume.
Así o destacou o rexedor municipal, José Fernández, que sinalou que aínda non se coñecen as causas dun incendio que foi extinguido ás 02:00 horas da madrugada deste xoves tras arrasar case 20 hectáreas.
O alcalde insiste en que non se sabe como se orixinou, e apunta que podería ser por “algunha neglixencia” ou ben tratarse dun episodio “intencionado”. En todo caso, fala de que o suceso foi “un pouco raro”, porque “facía moito tempo que non había lume por aí”.
