InicioMedioambiente e PatrimonioInstrumentos medievais do Camiño de Santiago viaxarán polos concellos de Lugo a...

Instrumentos medievais do Camiño de Santiago viaxarán polos concellos de Lugo a partir de maio

“A memoria do son” é unha mostra da Vicepresidencia da Deputación que inclúe sete instrumentos construídos no Centrad a partir de iconografía vinculada ao Camiño de Santiago.

PUBLICADA O

- Advertisement -

A Vicepresidencia da Deputación de Lugo pon a disposicion dos concellos a mostra itinerante “A memoria do son”, que compendia o resultado das investigacións sobre música e instrumentos medievais que se desenvolveron no obradoiro de instrumentos musicais do Centro de Artesanía e Deseño (Centrad) .

A mostra está formada por sete instrumentros construídos a partir da iconografía do Pórtico da Gloria da catedral de Santiado de Compostela, do Pazo de Xelmírez e das cantigas de Afonso X: unha giga, unha rota, unha cítola, unha zanfona, unha viola de perna, unha viola de brazao e un organistro.

A exposición, comisariada por Luciano Pérez, completarase cun catálogo guía en varios idiomas, audios co son de cada instrumento para descargar a través de códigos QR e un salterio con tres partituras diferentes para que as persoas que visiten a mostra poidan tocalo. O obxectivo é converter a mostra nun espazo no que, ademais de contemplar a feitura artesá dos instrumentos, se poida apreciar o seu son e entender o contexto no que xurdiron.

“Cremos que a itinerancia da mostra polos concellos é a mellor forma de achegar á cidadanía o patrimonio musical que se xenerou neste centro de traballo e investigación, que é un referente en Galiza no que ten que ver coa recuperación do patrimonio musical medieval”, suliñou o deputado de Artesanía e Deseño Efrén Castro.

70 ANIVERSARIO

A itinerancia da mostra “A memoria do son” coincide co 70 aniversario da fundación do taller de instrumentos musicais galegos polo artesán Paulino Pérez no ano 1951 co apoio da Deputación de Lugo. O obradoiro, que tivo como primeira ubicación o Pazo de San Marcos, orientouse á construcción, recuperación e revitalización de instrumentos do patrimonio musical galego e á formación de mestres artesáns.

Paulino Pérez foi pioneiro en Galiza na construción de zanfonas, o que lle valeu un amplo recoñecemento como artesán con numerosos premios e distincións. A súa habilidade na construción e manexo de instrumentos de corda levou a desenvolver desde o obradoiro diferentes proxectos multidisciplinares vinculados á recuperación de instrumentos medievais a partir de elementos iconográficos do Pórtico da Gloria, do Pazo de Xelmírez, ou das Cantigas de Afonso X.

Desde 1995, o obradoiro está integrado no Centro de Artesanía e Deseño, que acolle unha exposición permanente de Instrumentos Musicais e Obxectos Sonoros, recoñecida como unha das coleccións máis importante en Europa de instrumentos de corda medievais dos séculos XII e XIII.

ÚLTIMAS

O Concello de Lugo modifica horarios de traballadores e instalará paneis especiais nas escolas infantís pola calor

O pleno ordinario de xuño do Concello de Lugo abriuse este luns coa intervención...

Lara Méndez, “tranquila” ante a situación de José Tomé nas primarias: “Cando detectamos un problema, dámoslle solución, non coma o PP”

A secretaria de Organización do PSdeG, Lara Méndez, dixo estar "tranquila" ante a situación do...

A Ofrenda do Antigo Reino de Galicia celébrase en Lugo por primeira vez como Ben de Interese Cultural

A cidade de Lugo acolle este domingo, 29 de xuño, unha nova edición da...

A Fiscalía pide 20 anos de prisión para un home acusado de violar dúas veces a unha muller en Lugo

A Audiencia Provincial de Lugo acollerá os días 3 e 4 de xullo o...