A Xunta deféndese das críticas sobre os proxectos eólicos e di que non poñen en risco o medio

O BNG acusa o Goberno galego de non ampliar a Rede Natura para amparar a "destrución" de hábitats polas eléctricas.

Aeroxeradores. CEDIDA - Arquivo

A directora xeral de Planificación Enerxética e Recursos Naturais, Paula Uría, defende que a Xunta non autoriza “ningún” proxecto eólico que “sexa incompatible” co medio ambiente. Na comisión de Ordenación Territorial, o deputado do BNG Luís Bará cargou contra a política eólica do PP, que deixa “espazos arrasados”, e puxo como exemplo o promontorio do Roncudo, en Corme.

Acusou a Xunta de que “impediron” a ampliación da Rede Natura para favorecer a instalación de 35 parques en zonas como as serras da Groba, Suído, Xistral, así como  na Costa da Morte e Costa Ártabra, entre outros. En resposta, Paula Uría sinalou que o Goberno galego só autoriza proxectos que conten con “todas as garantías” a través dun desenvolvemento “ordenado” e unha planificación “definida”, que inclúe a protección de espazos naturais.

Asegurou que non se puxo ningún proxecto en Rede Natura desde o ano 2009, pero lembrou que houbo “seis” neses espazos co bipartito. 

Please wait while you are redirected...or Click Here if you do not want to wait.

DEIXAR UN COMENTARIO

Please enter your comment!
Please enter your name here