InicioMedioambiente e PatrimonioViaxar á antiga Lucus Augusti a través da nova web da Domus...

Viaxar á antiga Lucus Augusti a través da nova web da Domus do Mitreo

Este museo, onde se exhiben os restos dun templo dedicado á deusa Mitra, ábrese ao mundo para mostrar a profunda pegada que deixaron os romanos na cidade.

PUBLICADA O

- Advertisement -

EFE | O Museo Universitario A Domus do Mitreo, onde se exhiben in situ os restos dun templo romano dedicado a Mitra, acaba de estrear a súa páxina web, que abre ao mundo un dos xacementos arqueolóxicos máis importantes de Galicia para mostrar a profunda pegada que deixaron os romanos en Lugo.

Trátase dunha web de carácter interactivo na que se recompila unha ampla información científica sobre este xacemento arqueolóxico, situado aos pés da Muralla romana de Lugo, na Praza de Pío XII, onde conflúen os tres elementos Patrimonio da Humanidade da cidade —a propia Muralla, a súa catedral do século XII e o Camiño Primitivo de Santiago—.

Ademais, pon ao dispor do alumnado preuniversitario e de todas as persoas interesadas neste tema fichas didácticas que permiten “iniciarse ou profundar no estudo da historia e da arqueoloxía de forma divertida”, segundo destaca a Universidade de Santiago de Compostela.

VISITAS VIRTUAIS

O seu apartado interactivo ofrecerá tamén ao usuario a posibilidade de viaxar no tempo para mergullarse na antiga Lucus Augusti, hai 2.000 anos, e para visitar a propia domus, que era a luxosa vivenda do centurión romano da Legio VII Gemina Antoniana e recadador de impostos local, Gaius Victorius Victorinus.

Esta vivenda, que resultou destruída polas obras de construción da propia Muralla de Lugo, agochaba no seu interior un templo ou lugar de culto á deusa Mitra, que foi descuberto nos traballos de escavación do solar contiguo ao edificio da Vicerrectoría de Coordinación do Campus de Lugo.

ÚLTIMAS

Mochilas sensorias neurodiverxentes nos Museos de Lugo

Os museos provinciais --Museo Provincial de Lugo, Museo do Mar de San Cibrao, Museo...

Obradoiros de coiro, cerámica e teares para celebrar os ‘Días Europeos da Artesanía’

A Vicepresidencia da Deputación de Lugo, a través da área de Artesanía, súmase á...

Coñecemos á ‘Galiartesá’, Pepa Lombao, oleira de Bonxe

O Galicia Confidencial presenta a serie 'Galiartesáns e galiartesas' coa que procura visibilizar diferentes oficios artesáns...

O Concello de Lugo defende que os recursos empregados no Ceao foron “suficientes”

A concelleira de Cohesión Social de Lugo, Ana González Abelleira, saíu ao paso das...