O 13 de febreiro do 2019 comezaba nas redes sociais unha campaña de apoio á candidatura de Lugo como Patrimonio da Humanidade. O hashtag #LugoPatrimonioMundial reunira daquela centos de apoios de veciños, políticos, deportistas… Na data do seu primeiro aniversario, esta iniciativa volveu inundar as redes e mesmo logrou ser ‘trending topic’ a nivel europeo.
Guido Álvarez, guía turístico de Lugo, é o artífice desta campaña que se prolongou durante todo o ano, pero que onte voou polas redes cunha forza especial. Segundo el explica, en base a datos de Trendsmap, #LugoPatrimonioMundial foi tendencia en Twitter a nivel europeo durante unhas doce horas. Para o promotor da iniciativa, isto é un “exemplo do que podemos facer cando estamos unidos neste recuncho do mapa”.
E é que, efectivamente, foron moitísimas as mensaxes que se compartiron con este hashtag. Os chíos bulían en Twitter acompañados de fotos de rúas empedradas en Lugo, imaxes de parques, de detalles arquitectónicos, de festas como o Arde Lucus…
O recoñecemento de toda a cidade completa como Patrimonio Mundial “fará que vexamos que (Lugo) é máis que a Muralla, a Catedral ou o Camiño Primitivo“, comentaba Guido Álvarez o ano pasado, nunha entrevista co Lugo Xornal. “Esta campaña paréceme unha oportunidade para involucrar a sociedade e tódolos actores turísticos á hora de pulir esa candidatura e tomar conciencia todos de todo o que hai na cidade”.
Así pois, desta volta, sumáronse á iniciativa centos de veciños e veciñas de Lugo. Tampouco foron alleos á campaña algúns políticos como Lara Méndez, Xosé López Orozco, Rubén Arroxo, Antonio Ameijide ou Olga Louzao; ademais de deportistas como Salva Arco, Sergi Quintela, Mateo Sánchez ou Laura Aliaga. Velaí unha pequena recomplicación dos chíos de #LugoPatrimonioMundial:
Hai un ano ocorréuseme crear un hashtag para apoiar a candidatura de Lugo a cidade Patrimonio Mundial. Celebridades, políticos de todas as cores, e decenas de miles de amantes de Lugo o utilizaron. Novo obxectivo: #LugoPatrimonioMundial trending topic mundial o 13 de febreiro! ❤️ pic.twitter.com/g1kLoTQjQt
— Guido Álvarez Parga (@guidoalvarezp) February 12, 2020
Fai un ano, o noso guerreiro @guidoalvarezp comezou a batalla de utilizar #LugoPatrimonioMundial ❤️ para visibilizar as marabillas de Lvcvs Avgvsti.
Hoxe unímonos para conquistar o trending topic mundial 🌍! pic.twitter.com/ETAH0wBTbh
— Arde Lucus (@ardelucus) February 13, 2020
Pola xente que mantén a pedra ergueita #LugoPatrimonioMundial pic.twitter.com/tdI7cUzMkn
— Óscar Bernárdez 🔻 (@oscarbeper) February 13, 2020
El próximo reto para Lugo, sin duda, #LugoPatrimonioMundial.
— Olga Louzao (@olgaloal) February 13, 2020
Unha Mosqueira peonil nun #LugoPatrimonioMundial pic.twitter.com/gg8AeTKhUQ
— Rubén Arroxo (@Ruben_Arroxo) February 13, 2020
Entre tod@s o conseguiremos! Temos a sorte de vivir nunha cidade marabillosa! #LugoPatrimonioMundial pic.twitter.com/JL6DehE9fI
— Lara Méndez López (@LaraMendezLopez) February 13, 2020
Me pareció siempre una gran idea, creada hace un año por Guido Alvarez Parga #LugoPatrimonioMundial. Quiero sumarme una vez más a ella para que todos aquellos que andamos por estos lares tomemos clara conciencia de lo que somos y de lo que tenemos. Nos lo merecemos. Súmate pic.twitter.com/54A9mZQAuG
— José López Orozco (@jlopezorozco) February 14, 2020
Habería mil razóns pero para nós é o noso fogar 🏡#LugoPatrimonioMundial pic.twitter.com/m0mr0WIekF
— Club Deportivo Lugo (@CDeportivoLugo) February 13, 2020
Bo día!
Levamos símbolos de Lugo con nós en cada batalla marcados na celeste porque cremos niso: #LugoPatrimonioMundial 🙂#FagamosEquipo pic.twitter.com/2nn7MSoaLQ— Leche Río Breogán (@CBBreogan) February 13, 2020
Apoiamos a iniciativa #LugoPatrimonioMundial de @guidoalvarezp
Pero non para que veñan moitos turistas, senón polo orgullo que nos causa unha das cidades galegas con máis identidade. Lugo é a cidade de todos os galegos, ninguén se sinte visitante, é como estar na casa pic.twitter.com/1ohN2NrBq5
— Asociación para a defensa do Patrimonio Galego (@apatrigal) February 13, 2020
