InicioMedioambiente e PatrimonioRecollen sinaturas contra a obra de ampliación da estrada Friol-Palas, que "arrasaría...

Recollen sinaturas contra a obra de ampliación da estrada Friol-Palas, que “arrasaría centos de árbores autóctonas”

Apatrigal considera que "basta con asfaltala", sen necesidade de acometer o ensanchamento lateral que propón a Xunta a pesar de que existen informes técnicos que desaconsellan ditas actuacións.

PUBLICADA O

- Advertisement -

A Asociación para a Defensa do Patrimonio Cultural Galego (Apatrigal) iniciou unha recollida de sinaturas na plataforma Change.org para solicitar que se paralice o proxecto de ampliación da LU-231, entre Friol e Palas. Consideran que estas obras son “innecesarias” e alertan de que “arrasarían” con numerosas árbores autóctonas e con quilómetros de muros de pedra construídos de xeito tradicional.

Apatrigal dirixe esta petición ao presidente da Xunta de Galicia, Alberto Núñez Feijóo, pois é a Administración autonómica a que promove as actuacións nesta estrada a través da Axencia Galega de Infraestruturas. Previamente, Apatrigal xa presentara alegacións ao proxecto e mesmo achegaran un informe técnico que desaconsellaba as obras por implicar un probable aumento de sinistralidade.

“A ampliación lateral da estrada Friol-Palas é innecesaria, porque a estrada non ten tráfico. Basta con asfaltala correctamente e aforraremos o 90% dos seis millóns de euros previstos”, aseguran.

Apatrigal cualifica estas obras, a punto de comezar, como “agresivas”. “Arrasarían centos de árbores autóctonas, en plena Reserva da Biosfera” e, ademais, tamén se derrubarían “quilómetros de muros de pedra ‘a xunta seca'”.

“Se queremos fortalecer o orgullo galego, fixar poboación no rural e atraer visitantes á nosa terra, debemos preservar o Patrimonio Cultural e Natural, non arrasalo”, conclúen dende a Asociación.

ÚLTIMAS

Obradoiros de coiro, cerámica e teares para celebrar os ‘Días Europeos da Artesanía’

A Vicepresidencia da Deputación de Lugo, a través da área de Artesanía, súmase á...

Coñecemos á ‘Galiartesá’, Pepa Lombao, oleira de Bonxe

O Galicia Confidencial presenta a serie 'Galiartesáns e galiartesas' coa que procura visibilizar diferentes oficios artesáns...

O Concello de Lugo defende que os recursos empregados no Ceao foron “suficientes”

A concelleira de Cohesión Social de Lugo, Ana González Abelleira, saíu ao paso das...

Bombeiros dá por extinguido o incendio no polígono de O Ceao e a Policía Científica inicia a súa investigación

Bombeiros de Lugo deu por extinguido este mércores o incendio que calcinou na xornada...