InicioMedioambiente e PatrimonioLugo Monumental reclama un plan de escavacións para o casco histórico da...

Lugo Monumental reclama un plan de escavacións para o casco histórico da cidade

Propoñen que as administracións adiantes os labores de escavación para que os propietarios non teman quedar na ruína á hora de rehabilitar os edificios.

PUBLICADA O

- Advertisement -

A asociación Lugo Monumental dirixirase ao Concello de Lugo e á Xunta de Galicia para presentarlles o seu Plan de Escavacións do centro histórico da cidade. Pretenden que as administracións se ocupen das tarefas de escavación en todos os solares particulares, de maneira que os seus propietarios poidan planificar o futuro das parcelas con coñecemento do que se agocha baixo terra.

Lugo Monumental sinala que “o maior inconveniente” para rehabilitar ou construír un edificio no casco histórico é a alta probabilidade de atopar restos arqueolóxicos, un “perigo” que debe entenderse, din, ligado ao risco económico que pode implicar para o promotor da obra. E é que son os donos dos inmobles os que deben facer fronte ao custo das escavacións, aínda que logo a administración figure como propietaria dos restos que poidan aparecer.

Así pois, insisten en que “Lugo Monumental está a favor da escavación, estudo e conservación do noso patrimonio”, pero tamén de “buscar solucións para os propietarios que hoxe día non se atreven a rehabilitar os seus inmobles xa que corren un serio risco de ruína”.

Por iso, eles propoñen que se poña en marcha o Plan de Esvacacións, de modo que as administracións actúen en todos os solares e locais que os propietarios poñan á súa disposición. Para levar a cabo tal operación, esta asociación suxire que se tire da partida orzamentaria que o PEPRI recolle desde os anos noventa de 1,2 millóns de euros “e que nunca se executou”.

As vantaxes que traería canda si este plan irían dende un “avance na comprensión e estudo da cidade medieval” ata unha “redución de custos” e menos paralizacións de proxectos.

ÚLTIMAS

Obradoiros de coiro, cerámica e teares para celebrar os ‘Días Europeos da Artesanía’

A Vicepresidencia da Deputación de Lugo, a través da área de Artesanía, súmase á...

Coñecemos á ‘Galiartesá’, Pepa Lombao, oleira de Bonxe

O Galicia Confidencial presenta a serie 'Galiartesáns e galiartesas' coa que procura visibilizar diferentes oficios artesáns...

O Concello de Lugo defende que os recursos empregados no Ceao foron “suficientes”

A concelleira de Cohesión Social de Lugo, Ana González Abelleira, saíu ao paso das...

Bombeiros dá por extinguido o incendio no polígono de O Ceao e a Policía Científica inicia a súa investigación

Bombeiros de Lugo deu por extinguido este mércores o incendio que calcinou na xornada...