InicioMedioambiente e PatrimonioO Concello de Lugo acusa á Xunta de non saber onde se...

O Concello de Lugo acusa á Xunta de non saber onde se atopan miles de pezas romanas

A alcaldesa denuncia que os bens están "dispersos" nunha ducia de instalacións e critica á Xunta por non ter "un inventario actualizado" sobre o patrimonio romano.

PUBLICADA O

- Advertisement -

O Concello de Lugo criticou que a Xunta “careza dun inventario actualizado” sobre o patrimonio romano e asegurou que custodia case 15.000 pezas arqueolóxicas propiedade da Administración autonómica.

Así o censurou nun comunicado remitido aos medios, no que explica que estas 15.000 pezas representan “só unha parte dos miles” que “están dispersas” nunha ducia de dependencias non só da administración local, tamén da Deputación, da Xunta e mesmo en domicilios privados de arqueólogos.

“A realidade é que, nestes momentos, resulta imposible cuantificar o abundante patrimonio romano do que dispomos porque a Xunta carece dun rexistro actualizado”, asegurou a alcaldesa de Lugo, Lara Méndez, que mostrou publicamente parte das coleccións arqueolóxicas que alberga o Vello Cárcere para constatar a necesidade de reunificarlas nun mesmo enclave.

1.200 PEZAS NO CONCELLO

A rexedora relatou que desde o ano 1986 e ata aproximadamente 1993, o Concello foi depositario dun conxunto de materiais arqueolóxicos procedentes das escavacións realizadas na cidade, que actualmente se atopan distribuídas en diferentes centros.

“Só neste inmoble temos ao redor de 1.200 caixas con miles de pezas diversas como cerámica, bronces, vidros, moedas, etc.”, asegurou a alcaldesa, que subliñou que se trata de miles de “vestixios romanos” que están repartidos en multitude de centros e tamén en vivendas privadas.

Por iso, subliñou que, para a súa posta en valor, estas pezas necesitan ser sometidas a un “inventario rigoroso” e, a continuación, ser situadas nun lugar de “referencia” para o seu estudo e exposición. “E ningún continente mellor que o propio Cuartel de San Fernando situado no Centro histórico e, por tanto, na mesma cidade romana, sobre o que ademais dun compromiso para convertelo en Museo da Romanización realizouse xa un investimento ao tres millóns de euros”, apuntou.

ÚLTIMAS

Obradoiros de coiro, cerámica e teares para celebrar os ‘Días Europeos da Artesanía’

A Vicepresidencia da Deputación de Lugo, a través da área de Artesanía, súmase á...

Coñecemos á ‘Galiartesá’, Pepa Lombao, oleira de Bonxe

O Galicia Confidencial presenta a serie 'Galiartesáns e galiartesas' coa que procura visibilizar diferentes oficios artesáns...

O Concello de Lugo defende que os recursos empregados no Ceao foron “suficientes”

A concelleira de Cohesión Social de Lugo, Ana González Abelleira, saíu ao paso das...

Bombeiros dá por extinguido o incendio no polígono de O Ceao e a Policía Científica inicia a súa investigación

Bombeiros de Lugo deu por extinguido este mércores o incendio que calcinou na xornada...