InicioMedioambiente e PatrimonioUU.AA. demanda atallar a praga de ratas que esnaquiza campos na montaña...

UU.AA. demanda atallar a praga de ratas que esnaquiza campos na montaña de Lugo

O secretario xeral de Unións Agrarias, Roberto García, afeou á Xunta de Galicia que non tomase conciencia deste problema.

PUBLICADA O

- Advertisement -

O secretario xeral de Unións Agrarias, Roberto García, demandou este martes en Lugo axudas para combater unha praga de ratas na montaña, sobre todo nos concellos de Triacastela e Pedrafita, que esnaquiza campos.

En rolda de prensa, García afeou á Xunta de Galicia que non tomase conciencia, a pesar de ser advertida na primavera, deste problema que noutras comunidades autónomas como Asturias, “non só se resolveu o problema para que non tivese incidencia na PAC, senón que se xerou unha axuda extraordinaria a aquelas persoas que tiveron estes danos”, indicou.

Polo seu lado, o responsable na comarca de Sarria de Unións Agrarias, Miguel Tomé, lembrou que a praga afecta “a Triacastela, e á parte limítrofe con ese municipio, como Pedrafita do Cebreiro, estendéndose ás zonas máis baixas de Cervantes e tamén Samos, en definitiva o que é a montaña de Lugo“.

Tomé, tras a resposta da Xunta que fala de topos e non de ratas, dixo que “dá igual”. “E imos aceptar que lles chamen ratas, topos, topitos ou tapitas, o que teñen que dar é unha solución ao problema”, reivindicou. “O que non son é animais de compañía”, apostilou García.

Tamén aludiu a que algún veterinario dixo que se trata dun “tema cíclico”. “Se é un tema cíclico, que temos que asumir como tal, alguén lles terá que explicar aos gandeiros da zona que cada x anos lles van dar unha axuda para que poidan sentar no seu sofá, non poidan cultivar as súas terras, non poder sacar o gando a pastorear porque van ter esas ratas e non lle van dar ningún tipo de solución”, sinalou Tomei.

Finalmente, Roberto García vaticinou que este se acabará convertendo nun problema que teñan que asumir os concellos, “como ocorreu coa avespa velutina ou cos xabarís e agora isto”. “Cando está a empezar (a praga) hai medios para poder facelo, pero, unha vez que se desborda, o custo é moi superior“, concluíu o secretario xeral de UU.AA..

ÚLTIMAS

Obradoiros de coiro, cerámica e teares para celebrar os ‘Días Europeos da Artesanía’

A Vicepresidencia da Deputación de Lugo, a través da área de Artesanía, súmase á...

Coñecemos á ‘Galiartesá’, Pepa Lombao, oleira de Bonxe

O Galicia Confidencial presenta a serie 'Galiartesáns e galiartesas' coa que procura visibilizar diferentes oficios artesáns...

O Concello de Lugo defende que os recursos empregados no Ceao foron “suficientes”

A concelleira de Cohesión Social de Lugo, Ana González Abelleira, saíu ao paso das...

Bombeiros dá por extinguido o incendio no polígono de O Ceao e a Policía Científica inicia a súa investigación

Bombeiros de Lugo deu por extinguido este mércores o incendio que calcinou na xornada...