Activo un incendio en Begonte que se suma á vaga de incendios da fin de semana en Galicia

A Xunta cifra en 20 o número de hectáreas queimadas ata o momento. O resto de lumes que se atopaban activos ou estabilizados xa están controlados

Incendio en Begonte / @Incendiosgalic1.

Un incendio forestal propagouse no concello lugués de Begonte durante a tarde deste domingo, ao redor das 16,37 horas, na parroquia de Ou Castro.

A Consellería de Medio Rural cifrou en 20 o número de hectáreas queimadas ata o momento, pero este lume aínda segue activo e os datos son provisionais. Nos traballos de extinción están a traballar catro axentes, 14 brigadas, oito motobombas, unha pa, sete helicópteros e dous avións.

Este incendio súmase aos sete grandes focos, xa contolados, que se produciron en Galicia durante esta fin de semana e que queimaron unha superficie total de máis de 700 hectáreas, segundo as primeiras estimacións.