A provincia de Lugo sofre o incendio máis importante do verán en Galicia

O incendio afecta a case 450 hectáreas e saltou a Pantón.

Efectivos de loita contra os incendios forestais no gran lume que asolou Monforte / XdL

A Consellería de Medio Rural informou ao mediodía deste venres de que quedou controlado o incendio forestal rexistrado no municipio lucense de Monforte de Lemos, que devorou, polo momento, 430 hectáreas de terreo.

En concreto, este incendio, que xa é o máis importante do verán en Galicia, quedou controlado sobre as 13,48 horas e, segundo as últimas estimacións, afectou a unha superficie de 430 hectáreas. Na mañán deste venres, o rexedor monfortino destacaba a virulencia deste lume e apuntaba que xa estaba controlado.

As chamas, que comezaron ás 13,22 horas na parroquia de Seoane, estendéronse rapidamente ata alcanzar as 350 hectáreas de terreo e pasaron ao veciño municipio de Pantón. Sobre medianoite, o incendio quedou estabilizado, e foi controlado pouco antes das 14,00 horas deste venres. Toda a información no Xornal de Lemos.

DEIXAR UN COMENTARIO

Please enter your comment!
Please enter your name here