InicioMedioambiente e PatrimonioAprobado definitivamente o primeiro PXOM da Fonsagrada

Aprobado definitivamente o primeiro PXOM da Fonsagrada

Inclúe dúas zonas de uso industrial a carón do Camiño de Santiago, concretamente no lugar de Padrón

PUBLICADA O

- Advertisement -

O Diario Oficial de Galicia publica hoxe a Orde pola que se aproba definitivamente o primeiro Plan Xeral de Ordenación Municipal da Fonsagrada. Trátase dun documento que promove a ordenación do solo rústico e a protección do patrimonio municipal e que actualiza unhas normas subsidiarias básicas aprobadas hai 34 anos.

O PXOM dará un novo marco legal ao concello dende a súa aprobación e ata o 2031. O obxectivo é outorgar seguridade xurídica en materia urbanística e “ser coherente coa realidade do seu territorio”, tal como explican dende a Xunta.

Na Fonsagrada, un municipio de 438 quilómetros cadrados, o solo rústico supón máis do 99% do terreo. Por iso, o PXOM procurará facilitar unha “ordenación racional” que o clasifique en función das súas potencialidades. Así mesmo, trátase de delimitar os máis de 200 núcleos rurais do municipio de acordo coas súas expectativas demográficas.

A conservación e a protección do patrimonio que atesoura este concello, tanto desde o punto de vista natural e paisaxístico como arqueolóxico, etnográfico e arquitectónico, é outra das finalidades do planeamento, segundo a Xunta. E é que o trazado histórico do Camiño Primitivo ao seu paso pola Fonsagrada tamén aparece recollido no PXOM.

A administración autonómica garante que esta nova ordenación urbanística da Fonsagrada permitirá a resolución dalgunhas carencias dotacionais. En concreto, explican que favorecerá obtención de espazos públicos tanto nas 22 parroquias como na capital municipal, “onde a falta de espazos comúns e máis significativa”.

En canto á ordenación dos núcleos urbanos, o documento busca resolver os problemas que se producen nos bordes destas zonas e facilitar a xestión das bolsas de solo vacante. Así mesmo e polo que respecta ao solo urbanizable, o PXOM incorpora dúas zonas de uso industrial nas inmediacións do Camiño de Santiago, concretamente no lugar de Padrón.

ÚLTIMAS

Obradoiros de coiro, cerámica e teares para celebrar os ‘Días Europeos da Artesanía’

A Vicepresidencia da Deputación de Lugo, a través da área de Artesanía, súmase á...

Coñecemos á ‘Galiartesá’, Pepa Lombao, oleira de Bonxe

O Galicia Confidencial presenta a serie 'Galiartesáns e galiartesas' coa que procura visibilizar diferentes oficios artesáns...

O Concello de Lugo defende que os recursos empregados no Ceao foron “suficientes”

A concelleira de Cohesión Social de Lugo, Ana González Abelleira, saíu ao paso das...

Bombeiros dá por extinguido o incendio no polígono de O Ceao e a Policía Científica inicia a súa investigación

Bombeiros de Lugo deu por extinguido este mércores o incendio que calcinou na xornada...