InicioMedioambiente e PatrimonioUn percorrido virtual polo patrimonio da cidade de Lugo

Un percorrido virtual polo patrimonio da cidade de Lugo

O Concello vén de presentar unha aplicación interactiva que funciona de xeito similar a Google Maps, pero cuxo obxectivo é difundir a riqueza histórica das rúas lucenses.

PUBLICADA O

- Advertisement -

EFE.- Para coñecer o patrimonio de Lugo xa non haberá que patear as rúas. Ou, polo menos, non necesariamente. A quen lle baste con observar os puntos de interese a través dunha pantalla de móbil, poderá facelo agora grazas a unha nova aplicación interactiva que difundirá os principais elementos patrimoniais da cidade.

A alcaldesa de Lugo, Lara Méndez, e o concelleiro de Desenvolvemento Local e Emprego, Mauricio Repetto, asistiron este martes no CEI NODUS á presentación desta nova ferramenta dixital. Segundo Repetto, a iniciativa consegue dous obxectivos: “difundir e poñer en valor os recursos do municipio á vez que se fomenta a inserción laboral”.

E é que o proxecto é resultado dun programa de inserción laboral promovido polo Concello e permite o acceso desde un computador ou desde un dispositivo móbil a información sobre os principais elementos patrimoniais de Lugo e sobre os puntos de interese da cidade. Ademais, inclúe documentos PDF con información sobre puntos concretos de Lugo, fotografías históricas de cada un deles e mesmo planos sobre a súa construción e posteriores reformas.

O funcionamento desta ferramenta é similar ao de Google Maps, aclararon os seus promotores, e permite ao usuario facer un percorrido pola cidade, de forma interactiva e coa posibilidade de deterse nos puntos que considere oportunos. EFE

ÚLTIMAS

Obradoiros de coiro, cerámica e teares para celebrar os ‘Días Europeos da Artesanía’

A Vicepresidencia da Deputación de Lugo, a través da área de Artesanía, súmase á...

Coñecemos á ‘Galiartesá’, Pepa Lombao, oleira de Bonxe

O Galicia Confidencial presenta a serie 'Galiartesáns e galiartesas' coa que procura visibilizar diferentes oficios artesáns...

O Concello de Lugo defende que os recursos empregados no Ceao foron “suficientes”

A concelleira de Cohesión Social de Lugo, Ana González Abelleira, saíu ao paso das...

Bombeiros dá por extinguido o incendio no polígono de O Ceao e a Policía Científica inicia a súa investigación

Bombeiros de Lugo deu por extinguido este mércores o incendio que calcinou na xornada...