InicioLugo e contornaLugoA Xunta continúa a súa loita "discreta" contra o xabarin

A Xunta continúa a súa loita “discreta” contra o xabarin

Alerta aos veciños de Lugo para que non se aproximen aos porcos bravos con nenos ou cans e di que é un "foco de contaminación sanitaria".

PUBLICADA O

- Advertisement -

A conselleira de Medio Ambiente, Territorio e Vivenda, Anxos Vázquez, asegurou que o plan que está a desenvolver a Xunta de Galicia para controlar a presenza de xabaríns na contorna periurbano de Lugo está a desenvolverse con “total normalidade”, pero tamén con “discreción”, fundamental, ao seu xuízo, para “garantir a súa eficacia”.

Lembrou que o plan de control que se puxo en marcha en Lugo foi deseñado por “especialistas” e aprobado por unanimidade na mesa de traballo creada para abordar este problema, na que tamén participa o Concello de Lugo.

Confirmou que se rozaron aquelas leiras nas inmediacións do centro urbano nas que supostamente encamaban os exemplares desta especie, colocáronse gaiolas en “lugares discretos” e tamén se cazaron exemplares.

“Non é prudente avanzar máis detalles”, dixo a conselleira, “seguimos co plan”, sempre pendentes das “denuncias de Tráfico” e das noticias sobre novos avistamentos na contorna periurbano. A conselleira si quixo lembrar, en declaracións a EFE, que “o xabaril é un animal salvaxe”, polo que non debemos “achegarnos a eles xamais”.

Hai que ter especial coidado, lembrou, se imos “cun neno ou cun can”, porque un simple ladrido pode ser interpretado como unha ameaza. Precisou que achegarse a esta especie pode ser “perigoso” e, ademais “un foco de contaminación sanitaria”.

ÚLTIMAS

Mochilas sensorias neurodiverxentes nos Museos de Lugo

Os museos provinciais --Museo Provincial de Lugo, Museo do Mar de San Cibrao, Museo...

Obradoiros de coiro, cerámica e teares para celebrar os ‘Días Europeos da Artesanía’

A Vicepresidencia da Deputación de Lugo, a través da área de Artesanía, súmase á...

Coñecemos á ‘Galiartesá’, Pepa Lombao, oleira de Bonxe

O Galicia Confidencial presenta a serie 'Galiartesáns e galiartesas' coa que procura visibilizar diferentes oficios artesáns...

O Concello de Lugo defende que os recursos empregados no Ceao foron “suficientes”

A concelleira de Cohesión Social de Lugo, Ana González Abelleira, saíu ao paso das...