InicioDeportesPortomarín celebra esta fin de semana o Trofeo Xacobeo de Vela

Portomarín celebra esta fin de semana o Trofeo Xacobeo de Vela

Na proba, parte do calendario oficial da Federación Galega de Vela, participan un total de 40 barcos nas diferentes categorías, con 55 tripulantes e representantes de Galicia e Portugal

PUBLICADA O

- Advertisement -

O Deputado de Turismo, Eduardo Vidal Baamonde, o Presidente do Club Náutico Xacobeo Portomarín, José Miguel Rodríguez Pérez, e o Tesoureiro do club, Pablo González López, presentaron este xoves nos xardíns do Pazo de San Marcos a XV Edición do Trofeo Xacobeo ‘Vila de Portomarín’ de vela, que se celebra esta fin de semana. O Executivo Provincial realiza unha achega de 1.500 euros para promover esta cita lúdico-deportiva co fin de promover este evento, sendo a unica administración, xunto co Concello, na promoción desta proba.

Vidal Baamonde explicou que nesta XV Edición «que se celebra esta mesma fin de semana, participan un total de 40 barcos nas diferentes categorías, con 55 tripulantes. O sábado, día 26, disputaranse 3 mangas e o domingo unha última manga, sempre e cando o tempo o permita e se cumpran as condicións meteorolóxicas. A entrega de trofeos será o domingo, día 27, a partir das 2 da tarde no Club Náutico».

O Deputado sinalou ademais «que esta proba está enmarcada dentro do calendario oficial da Federación Galega de Vela, no que participan representantes de Galicia e de Portugal nas categorías de Laser e Snipe, como novidade este ano participan as de clase Europa. A competición parte dende o Club Náutico de Portomarín, ao seu paso polo río Miño».

Os representantes do C.N. Xacobeo Portomarín agradeceron a implicación da Deputación ao longo destes anos na promoción deste trofeo de vela. «Con esta edición celebramos xa 15 anos, é un motivo de orgullo e de ledicia comprobar que cada ano medramos máis, e contribuímos a facer medrar o noso Concello, e ao mesmo tempo a promocionar o mundo da vela na provincia».

ÚLTIMAS

Mochilas sensorias neurodiverxentes nos Museos de Lugo

Os museos provinciais --Museo Provincial de Lugo, Museo do Mar de San Cibrao, Museo...

Obradoiros de coiro, cerámica e teares para celebrar os ‘Días Europeos da Artesanía’

A Vicepresidencia da Deputación de Lugo, a través da área de Artesanía, súmase á...

Coñecemos á ‘Galiartesá’, Pepa Lombao, oleira de Bonxe

O Galicia Confidencial presenta a serie 'Galiartesáns e galiartesas' coa que procura visibilizar diferentes oficios artesáns...

O Concello de Lugo defende que os recursos empregados no Ceao foron “suficientes”

A concelleira de Cohesión Social de Lugo, Ana González Abelleira, saíu ao paso das...