Portomarín homenaxea a dous veciños vítimas do terrorismo de ETA

O Concello organizou un acto de solidaridade co garda civil Constantino Gómez Barcia, asasinado en 1977, e Adelina Somoza Rodríguez, ferida no atentado de Hipercor

Homenaxe aos veciños de Portomarín vítimas do terrorismo | Subdelegación do Goberno
Homenaxe aos veciños de Portomarín vítimas do terrorismo | Subdelegación do Goberno

O Concello de Portomarín organizou este venres unha homenaxe a dous veciños vítimas do terrorismo. Este acto serviu para recoñecer o servizo de Constantino Gómez Barcia, garda civil asasinado en Mondragón o 13 de marzo de 1977, e expresar a solidaridade dos lucenses con María Elvira Adelina Somoza Rodríguez, gravemente ferida no atentado de ETA no Hipercor de Barcelona o 19 de xuño de 1987.

Xunta de Galicia

En Portomarín estiveron presentes os representantes políticos da provincia e dos corpos e forzas de seguridade que participaron na loita antiterrorista. Especialmente emotiva foi a intervención da subdelegada do Goberno en Lugo, Isabel Rodríguez. “Este é un acto sinxelo, pero cheo de simbolismo e de agarimo. Sabemos que nada poderá compensar o sufrimento causado polos terroristas. Pero queremos que as nosas vítimas non se sintan soas, senón agarimalas e abrazalas para que sintan a nosa solidariedade”.

Subdelegación do Goberno

“Lembramos hoxe aquí a Constantino Gómez Barcia, un home novo, comprometido coa defensa dos nosos dereitos, un garda civil que deu a súa vida cumprindo coa misión que ten encomendada a Benemérita: garantir as liberdades de todos os cidadáns. Por cumprir a súa obriga e coidar de nós, Constantino foi asesinado en cando estaba no mellor da vida. Só tiña 21 anos. É de xustiza que os seus familiares reciban a nosa gratitude e cariño. Como o é manifestarllo a Adelina Somoza Rodríguez e aos seus seres queridos. Adelina é outra vítima inocente, que sofríu unha experiencia durísima, das que deixan pegada para sempre. Unha muller que saiu da casa, por algo tan cotidián como facer unha compra nun hipermercado e que acabou vivindo un horror”.

DEIXAR UN COMENTARIO

Please enter your comment!
Please enter your name here