Sorpresa nas filas populares pola renuncia ao seu cargo do alcalde de Portomarín

Juan Serrano anunciara que non se presentara á reelección pero a súa marcha precipitada causou sorpresa no PP.

O presidente da Xunta, Alberto Núñez Feijóo, xunto ao alcalde de Portomarín, Juan Carlos Serrano. XUNTA/ ANA VARELA

O alcalde de Portomarín, Juan Serrano (PP), presentou a súa renuncia como rexedor no municipio no que goberna con maioría absoluta –cinco concelleiros por catro do PSOE–. Accedeu ao cargo en 2011.

A renuncia á Alcaldía foi presentada o pasado venres ao mediodía, segundo ratificaron fontes municipais, aínda que non transcendera. Serrano xa anunciara que non pensaba optar á reelección en 2023, aínda que o abandono causou sorpresa. Será substituído no cargo, previsiblemente, polo tenente de alcalde, Pablo Rivas.

Un dos últimos actos públicos no que se viu a Serrano foi o congreso dos populares de Lugo, en que repetiu como presidenta provincial Elena Candia. Así, no congreso celebrado en Outeiro de Rei o pasado 19 de setembro, non houbo indicios do movemento inminente, que tamén causou certa sorpresa nas filas populares, aínda que coñecían a intención de non optar á reelección en 2023 para dedicarse á súa empresa familiar.